नाशिक : उपोषणकर्ते मनसे पदाधिकाऱ्यांवर गुन्हा; मनपा आयुक्तांच्या आश्वासनानंतर आंदोलन मागे

सफाई कामगारांच्या प्रश्नावर मुख्यमंत्री, पालकमंत्री, मनपा आणि पोलीस प्रशासन आदी स्तरावर दाद मागूनही न्याय मिळाला नसल्याने मनसेने सोमवारपासून मनपाच्या प्रवेशद्वाराबाहेर आमरण उपोषण सुरू केले होते. त्यात मनसेचे शहराध्यक्ष दिलीप दातीर, महिला प्रदेश उपाध्यक्षा सुजाता डेरे आदींच्या नेतृत्वाखाली सफाई कामगार व कुटुंबियही सहभागी झाले होते. वॉटरग्रेस कंपनीतील कंत्राटी कामगारांनी मनसे कामगार सेनेचे सभासदत्व स्वीकारल्याचा राग धरून ठेकेदाराच्या सहकाऱ्यांनी तीन कामगारांना पखाल रस्त्यावरील कार्यालयात बोलावून जबर मारहाण केल्याचे उपोषणकर्त्यांचे म्हणणे होते. संबंधित कंपनीने बेकायदेशीरपणे ४५० ते ५०० सफाई कामगारांना कामावरून हटवले. या संदर्भात मनसेच्या शिष्टमंडळाला मनपा आयुक्तांनी या कामगारांना दोन दिवसांत परत कामावर घेण्याचे आश्वासन दिले. मनसेच्या लढ्यास यश आल्याची भावना दातीर यांनी व्यक्त केली. त्यानंतर दोन दिवस चाललेले उपोषण मनसे पदाधिकारी व सफाई कामगारांनी मागे घेतले.

आणखी वाचा

सैफवरील हल्ला राज्यातील कायदा सुव्यवस्थेची लक्तरे वेशीवर टांगणारा; नाना पटोले यांची टीका

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

तुटपुंजी भरपाई देण्याएवढा माणसाचा जीव स्वस्त नाही – उच्च न्यायालय

आर्थिक गैरव्यवहाराचे प्रकरण : भावना गवळी यांच्या निकटवर्तीयाची दोषमुक्तीची मागणी फेटाळली

नायलॉन मांजामुळे सात जणांचा मृत्यू; मुंबईत १९ जणांविरोधात कारवाई

नाशिक अपघातास कारणीभूत तिघांविरुध्द गुन्हा, सळई पुरवठादाराचाही समावेश

नायलॉन मांज्यामुळे दुचाकीस्वार जखमी, पतंग महोत्सवाच्या आयोजकांवर गुन्हा

ठाण्यात गेल्या वर्षभरात ७५ टक्के गुन्हे उघडकीस

दरम्यान, हे आंदोलन करताना मनसेने कुठलीही परवानगी घेतली नव्हती. शहरात महाराष्ट्र पोलीस अधिनियमान्वये पोलीस आयुक्तांचा मनाई आदेश लागू आहे. आंदोलनासाठी पूर्वपरवानगी बंधनकारक आहे. असे असताना कुठलीही परवानगी न घेता मनसेचे पदाधिकारी मनपा मुख्यालयासमोर एकत्र जमले. घोषणाबाजी करीत उपोषण केल्याप्रकरणी मनसेचे शहराध्यक्ष दिलीप दातीर, तुषार मंडलिक, परशुराम साळवे, ज्ञानेश्वर बगाडे, सुजाता डेरे यांच्या विरोधात सरकारवाडा पोलीस ठाण्यात गुन्हा दाखल करण्यात आला आहे.