लोकसत्ता विशेष प्रतिनिधी
नाशिक: माहितीच्या अधिकारात मागविलेल्या माहितीबाबत प्रथम अपिलात पारित केलेल्या आदेशात स्वहस्ताक्षरात बनावट माहिती समाविष्ट केल्या प्रकरणी एका महिलेविरुध्द फसवणुकीचा गुन्हा दाखल करण्यात आला आहे. या बाबत राज्य माहिती आयोगाच्या खंडपीठाने आदेश दिले.
खंडपीठाचे कक्ष अधिकारी चंद्रकांत कातकाडे यांनी तक्रार दिली होती. सुनिता ठाकरे (खामगाव, पाचोराबारी) असे गुन्हा दाखल करण्यात आलेल्या संशयित महिलेचे नाव आहे. खामगाव येथील संशयित महिलेने शहादा पंचायत समितीकडे माहितीच्या अधिकारात माहिती मागविली होती. वेळेत माहिती उपलब्ध न झाल्याने तिने प्रथम अपिलीय अधिकारी तथा विस्तार अधिकारी (ग्रामपंचायत) यांच्याकडे अपिल दाखल केले होते. या अपिलाच्या सुनावणीस महिला अनुपस्थित राहिल्याने परस्पर निकाल देण्यात आला. यामुळे महिलेने राज्य माहिती आयोगाच्या नाशिक खंडपीठाकडे धाव घेत अपील दाखल केले.
हेही वाचा… चहामधून गुंगीचे औषध पाजून चोरी, कुरियर कर्मचाऱ्याकडील दागिने चोरणाऱ्या दोघांना अटक
प्रथम अपिलामध्ये पारित केलेल्या आदेशात महिलेने खाडाखोड केल्याचे आढळून आले आहे. १५ दिवसांत माहिती टपालाने देण्यात यावी, असे स्वहस्ताक्षरात बनावट माहिती नमुद केली. पडताळणीत ही बाब निदर्शनास आल्याने बनावट आदेशाच्या प्रती आयोगास सादर करून दिशाभूल व फसवणूक करण्याचा तिने प्रयत्न केल्याने खंडपीठाने गुन्हा दाखल करण्याचे आदेश दिले. या प्रकरणी मुंबईनाका पोलीस ठाण्यात फसवणुकीसह विविध कलमांन्वये गुन्हा दाखल करण्यात आला आहे.
नाशिक: माहितीच्या अधिकारात मागविलेल्या माहितीबाबत प्रथम अपिलात पारित केलेल्या आदेशात स्वहस्ताक्षरात बनावट माहिती समाविष्ट केल्या प्रकरणी एका महिलेविरुध्द फसवणुकीचा गुन्हा दाखल करण्यात आला आहे. या बाबत राज्य माहिती आयोगाच्या खंडपीठाने आदेश दिले.
खंडपीठाचे कक्ष अधिकारी चंद्रकांत कातकाडे यांनी तक्रार दिली होती. सुनिता ठाकरे (खामगाव, पाचोराबारी) असे गुन्हा दाखल करण्यात आलेल्या संशयित महिलेचे नाव आहे. खामगाव येथील संशयित महिलेने शहादा पंचायत समितीकडे माहितीच्या अधिकारात माहिती मागविली होती. वेळेत माहिती उपलब्ध न झाल्याने तिने प्रथम अपिलीय अधिकारी तथा विस्तार अधिकारी (ग्रामपंचायत) यांच्याकडे अपिल दाखल केले होते. या अपिलाच्या सुनावणीस महिला अनुपस्थित राहिल्याने परस्पर निकाल देण्यात आला. यामुळे महिलेने राज्य माहिती आयोगाच्या नाशिक खंडपीठाकडे धाव घेत अपील दाखल केले.
हेही वाचा… चहामधून गुंगीचे औषध पाजून चोरी, कुरियर कर्मचाऱ्याकडील दागिने चोरणाऱ्या दोघांना अटक
प्रथम अपिलामध्ये पारित केलेल्या आदेशात महिलेने खाडाखोड केल्याचे आढळून आले आहे. १५ दिवसांत माहिती टपालाने देण्यात यावी, असे स्वहस्ताक्षरात बनावट माहिती नमुद केली. पडताळणीत ही बाब निदर्शनास आल्याने बनावट आदेशाच्या प्रती आयोगास सादर करून दिशाभूल व फसवणूक करण्याचा तिने प्रयत्न केल्याने खंडपीठाने गुन्हा दाखल करण्याचे आदेश दिले. या प्रकरणी मुंबईनाका पोलीस ठाण्यात फसवणुकीसह विविध कलमांन्वये गुन्हा दाखल करण्यात आला आहे.
