नाशिक: बैलगाडा शर्यतीतील जखमीचे निधन

बोरगडलगतच्या ठक्कर मैदानावर मंगळवारी आयोजित शर्यतीत शेकडो बैलगाड्या आणि हजारो नागरिक सहभागी झाल्यामुळे नियोजनाअभावी सावळागोंधळ उडाला होता.

( बैलगाडा शर्यतीतील जखमी झालेले श्रावण सोनवणे यांचे उपचार सुरू असताना मृत्यू झाला )

नाशिक: बोरगडलगतच्या ठक्कर मैदानावर मंगळवारी आयोजित शर्यतीत शेकडो बैलगाड्या आणि हजारो नागरिक सहभागी झाल्यामुळे नियोजनाअभावी सावळागोंधळ उडाला होता. काही जण बैलगाड्यांखाली सापडून जखमी झाले होते. त्यातील एका जखमी व्यक्तीचा उपचारादरम्यान मृत्यू झाला.

म्हसरूळ ग्रामस्थ आणि सोमनाथ वडजे यांच्या पुढाकारातून म्हसरूळ-मखमलाबाद लिंक रस्त्यावरील ठक्कर मैदानावर आयोजित बैलगाडा शर्यंत अनेक कारणांमुळे गाजली होती. याप्रसंगी स्थानिक आमदार राहुल ढिकले उपस्थित होते. विजेत्यांसाठी मोटारसायकल, ५१ हजार, ३१ हजार, २१ हजार रुपयांसह दीड हजार रुपयांची अनेक बक्षिसे ठेवण्यात आली होती. शर्यतीत २०० हून अधिक बैलगाड्या सहभागी झाल्या होत्या. पण नियोजनाचे तीनतेरा वाजले होते. रणरणत्या उन्हात मैदान प्रेक्षक व बैलगाड्यांनी भरून गेले होते. चार ते पाच बैलगाड्या एकाच वेळी धावू शकतील, अशी शर्यत मार्गाची व्यवस्था होती. पण हा मार्ग बंदिस्त नसल्याने धावत्या बैलगाड्यामध्ये आलेले काही प्रेक्षक जखमी झाले. एक युवक बैलगाडीवरून पडला होता. सायंकाळपर्यंत आठ जण जखमी झाल्याचे प्रत्यक्षदर्शींकडून सांगितले गेले होते. बैलगाडा शर्यत पाहण्यासाठी आलेले श्रावण सोनवणे (चाणक्यपुरी सोसायटी, मखमलाबाद-म्हसरूळ लिंक रस्ता) हे जखमी झाले होते. त्यांना प्रथम खासगी रुग्णालय व नंतर जिल्हा शासकीय रुग्णालयात दाखल करण्यात आले. उपचार सुरू असताना त्यांचा मृत्यू झाल्याची माहिती सोनवणे यांचा मुलगा गितेश यांनी दिली.

आणखी वाचा

yugendra pawar slams ajit pawar ncp for not opposing gopichand paradkar over his remarks on sharad pawar

पडळकरांच्या टीकेला विरोध करायला हवा होता; युतीतील राष्ट्रवादीकडून युगेंद्र पवारांची अपेक्षा

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Nylon manja seller arrested in Nashik Road area

नाशिकरोड परिसरात नायलॉन मांजा विक्रेता ताब्यात

Union Health Minister confirms sudden deaths in India are not caused by COVID-19 vaccines, addressing public concerns about vaccine safety.

Deaths Due To Corona Vaccine : “करोना लशीमुळे झाले नाहीत लोकांचे मृत्यू”, मोदी सरकारने संसदेत सांगितली अचानक मृत्यूंमागील कारणे

chief officer of mhada nashik board suspended

म्हाडाच्या नाशिक मंडळाचे मुख्य अधिकारी निलंबित; २० टक्के योजनेतील घरे मिळविण्यात हलगर्जीपणा केल्याचा ठपका

Onion prices fall due to increased production

नाशिक : आवक वाढल्याने कांद्याची घसरण

number of ST bus accidents increased in Nashik division

नाशिक विभागात एसटी अपघातांचा उंचावता आलेख; नऊ महिन्यांत बसचे १२० अपघात, २२ जणांचा मृत्यू

सतीश वाघ हत्या प्रकरण : आरोपींच्या शोधासाठी पुणे पोलिसांची १६ पथके रवाना

हेही वाचा >>>वाहन चालक परवाना प्रक्रिया कठोर करण्याची गरज- विवेक फणसाळकर

दरम्यान, शर्यतीवेळी जखमी झालेल्या पाच जणांवर मविप्रच्या आडगाव येथील रुग्णालयात उपचार सुरू होते. त्यातील दोघांना उपचारानंतर सोडून देण्यात आले. उर्वरित तिघांची प्रकृती स्थिर आहे. अन्य तीन जखमींना मनपाच्या रुग्णालयात उपचार करून सोडून देण्यात आल्याची माहिती स्थानिक आमदारांच्या कार्यालयातून देण्यात आली. बैलगाडा शर्यतीमुळे मृत्यू झालेल्या सोनवणे कुटुंबियांना मदत देण्याची मागणी स्थानिकांकडून होत आहे.

First published on: 11-06-2023 at 16:13 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Death of injured in race at thakkar graound near borgad nashik amy