नाशिक : कलामंदिरातील समस्या सोडवणुकीसाठी पालकमंत्र्यांना साकडे

शहराचे सांस्कृतिक वैभव असलेल्या महाकवी कालिदास कलामंदिराच्या प्रलंबित प्रश्नांची सोडवणूक करण्यासाठी येथील अखिल भारतीय मराठी नाट्य परिषद शाखेच्या वतीने पालकमंत्री दादा भुसे यांना साकडे घालण्यात आले. दुरुस्तीनंतर २०१९ मध्ये कलामंदिर सुरू झाल्यानंतर आयुक्त, स्थायी समिती अध्यक्ष आणि अखिल भारतीय मराठी नाट्य परिषदेचे अध्यक्ष यांच्यात झालेल्या चर्चेनुसार ५०० रुपयांपर्यंत तिकीट दर असलेल्या नाटकांसाठी वेगळे आणि ५०० रुपयापुढे दर असलेल्या नाटकांसाठी वेगळे दर निश्चित झाले होते.