धुळे पालिका अकार्यक्षम – महापौर, माजी महापौरानंतर आता आमदार फारुक शाह यांचा उपोषणाचा इशारा

धुळे – धुळेकराना मूलभूत सुविधा देण्यात अपयशी ठरलेल्या आणि नागरिकांकडून दुप्पट, तिप्पट घरपट्टी आकारणाऱ्या अकार्यक्षम महानगर पालिकेविरोधात तीन जुलै रोजी जिल्हाधिकारी कार्यालयासमोर उपोषण करण्याचा इशारा एमआयएमचे आमदार फारुक शाह यांनी दिला आहे. विशेष म्हणजे, याआधी सत्ताधारी भाजपाच्या विद्यमान आणि माजी महापौरांसह उपमहापौरांवरही पालिका प्रशासनावरोधात उपोषणाचा इशारा देण्याची नामुष्की ओढावली होती.