अनियमित पाणी पुरवठ्याच्या निषेधार्थ धुळे मनपा आयुक्त दालनासमोर अंघोळ, मनसेचे आंदोलन

महापालिका निवडणुकीवेळी मंत्री गिरीश महाजन यांनी शहराला दररोज पाणीपुरवठा करण्याचे आश्वासन दिले होते. आश्वासनाची पूर्तता न होता उलट महापालिका मात्र रहिवाशांकडून वर्षभराचा पाणी कर वसूल करत आहे. पाण्याची समस्या मांडण्यासाठी भ्रमणध्वनी केल्यावर पालिकेच्या अधिकारी, कर्मचाऱ्यांकडून री उडवाउडवीची उत्तरे दिली जातात. वीज नसल्याचे कारण देत टाळाटाळ करतात. महापालिकेतील सत्ताधाऱ्यांनी धुळेकरांना विकासाची मोठी स्वप्ने दाखवली. परंतु, हक्काचं पाणी देऊ शकले नाही. मनपाने लवकरात लवकर समस्या दूर न केल्यास नागरिकांना घेऊन आयुक्तांच्या दालनासमोर येऊ आणि दररोज अंघोळ करू.असा इशारा देण्यात आला आहे. यावेळी गौरव गिते, हर्षल परदेशी, शामक दादाभाई, भावेश गद्रे आदी उपस्थित होते.