धुळे जिल्ह्यात महिनाभरात ४४ छापे; २२ ठिकाणी दुधात भेसळ

धुळे: दूध भेसळ रोखण्यासाठी स्थापन केलेल्या जिल्हास्तरीय समितीने महिनाभरात ४४ ठिकाणी छापे टाकले. त्यापैकी २२ ठिकाणी दुधात भेसळ आढळली. पशुसंवर्धन,दुग्धव्यवसाय व मत्स्यव्यवसाय विकास विभागाचे प्रधान सचिव तुकाराम मुंडे यांनी या कारवाईचे कौतुक केले आहे. दुग्ध व्यवसाय मंत्री राधाकृष्ण विखे यांनी राज्यातील समित्यांनी केलेल्या कार्यवाहीचा नुकताच ऑनलाईन बैठकीद्वारे आढावा घेतला.

आणखी वाचा

साताऱ्यातील शेतकऱ्यांना ५७ कोटींचे गायीच्या दुधाचे अनुदान

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

सतीश वाघ यांची हत्या जुन्या वादातून, पाच लाखांची दिली होती सुपारी – पुणे पोलीस आयुक्त अमितेशकुमार

सार्वजनिक क्षेत्रातील बँकांचे ‘एनपीए’ ३.१६ लाख कोटींवर

सेवानिवृत्तवेतन धारकांच्या मदतीला टपाल विभाग, जिल्ह्यात १७०० पेक्षा अधिक जणांना डीएलसी योजनेचा लाभ

२९ गावांचा वसई विरार महापालिकेत समावेश, ३१ हजार हरकतींवर जिल्हाधिकारी कार्यालयात सुनावणी

म्हाडा कोकण मंडळ सोडत २०२४ : २२६४ घरांच्या सोडतीला अखेर १५ दिवसांची मुदतवाढ, २५ डिसेंबरपर्यंत अर्जविक्री-स्वीकृती प्रक्रिया

डोंबिवलीत मालमत्ता कर थकबाकीदारांच्या गाळ्यांना टाळे

यावेळी धुळे जिल्हास्तरीय समितीचे अध्यक्ष तथा अपर जिल्हाधिकारी देवदत्त केकाण यांनी माहिती दिली. खासगी दूध डेअरी, दूध विक्री करणारे फेरीवाले, विक्रेते यांच्याकडील दुधाची तपासणी करण्यात आली.भेसळ आढळलेले जवळपास १५०० लिटर दूध समितीने जागीच नष्ट केल्याचे त्यांनी सांगितले.

हेही वाचा… संसदेत मराठा आरक्षणावर भाजपचे खासदार गप्प; रोहित पवार यांची टीका

सणासुदीच्या काळात दूध भेसळ रोखण्याकरिता १५ सप्टेंबरपर्यंत प्रभावी मोहीम राबवून कुठल्याही प्रकारची दूध भेसळ करणाऱ्या,अवैध वजनमापे व तोलन काटे, खाद्य वस्तू विक्री परवाना, दुकान परवाना नसल्यास अशा आस्थापनेवर, दूध विक्रेत्यांवर गुन्हा नोंदविण्याचे आदेश अन्न व औषध प्रशासन विभागाला देण्यात आले. त्यानुसार १५ दिवसांत दूध भेसळ रोखण्यासाठी स्थापन केलेल्या जिल्हास्तरीय समितीमार्फत धडक कारवाई करण्यात येईल, असे केकाण आणि अपर पोलीस अधीक्षक किशोर काळे यांनी सांगितले.

हेही वाचा… Brahmagiri Shravan Somwar: तिसऱ्या श्रावणी सोमवारनिमित्त ब्रम्हगिरी प्रदक्षिणेला भाविकांची गर्दी

ऑनलाइन बैठकीला जिल्हा दुग्ध व्यवसाय विकास अधिकारी डॉ. अमित पाटील, जिल्हा पशुसंवर्धन उपायुक्त डॉ. आर. एम. शिंदे, अन्न सुरक्षा अधिकारी के. एच. बाविस्कर, वैधमापन शास्त्र निरीक्षक संतोष दलाल, सहायक जिल्हा दुग्धव्यवसाय विकास अधिकारी व्ही. व्ही. गरुड, दुग्धशाळा व्यवस्थापक सतिलाल बोरसे, प्रीतेश गोंधळी, मुकेश तमायचेकर, कृष्णा नेरकर उपस्थित होते.