नाशिक: किरकोळ कारणावरुन नशेत मित्राची हत्या

स्थानिक गुन्हे शाखेने संबंधिताची माहिती काढली असता त्याचे नाव संतोष अहिरे (रा. पेठफाटा) असल्याचे समजले. गुलाबबाग भागात पोलिसांनी पथक पाठवत संशयित संतोष याला ताब्यात घेतले. पोलिसांनी त्याच्याकडे चौकशी केली असता त्याने गुन्ह्याची कबुली दिली. शांतीलाल आणि संतोष हे दोघे मित्र होते. दोघे मंगळवारी रात्री पंचवटीतील एका मोकळ्या जागी दारू पित असताना मद्याच्या नशेत दोघांमध्ये किरकोळ कारणावरून वाद झाला. शांतीलालने संतोषच्या नाकावर मारले. त्यामुळे संतोषने रागाच्या भरात शांतीलाल यास खाली पाडून डोक्यात दगड घातला, अशी माहिती स्थानिक गुन्हे शाखेच्या वतीने देण्यात आली. संशयिताला पंचवटी पोलिसांच्या ताब्यात देण्यात आले आहे.