शालेय प्रवेशासाठी आमिष दाखविल्यास संपर्क करा, शिक्षण विभागाचे पालकांना आवाहन

सोडत काढून प्रवेशपात्र लाभार्थी व प्रतिक्षाधीन लाभार्थी यांची शाळानिहाय यादी घोषित करण्यात येते. यामध्ये कोणत्याही प्रकारचा मानवी हस्तक्षेप नाही. अशा स्थितीत जर कोणी पालकांना प्रवेशाचे प्रलोभन दाखवत असेल तर पालकांनी प्रलोभनांना बळी पडू नये.

असा काही प्रकार घडल्यास जिल्ह्याचे शिक्षणाधिकारी प्राथमिक, प्रशासन अधिकारी महानगर पालिका, नगरपालिका, संबंधित विभागाचे विभागीय उपसंचालक तसेच प्राथमिक शिक्षण संचालनालय यांच्याकडे इ-मेलच्या माध्यमातून आपली तक्रार पुराव्यासह नोंदवावी, असे आवाहन शिक्षण विभागाच्या वतीने करण्यात आले आहे.