शिंदे गटाच्या मेळाव्यासाठी नंदुरबारमधून १२० बस, शंभर खासगी वाहने रवाना

नंदुरबार : शिंदे गटाच्या मुंबईतील बीकेसी मैदानवर होणाऱ्या दसरा मेळाव्यासाठी नंदुरबारमधून सुमारे १० हजार शिवसैनिक रवाना होत असून त्यासाठी संपूर्ण तयारी पूर्ण करण्यात आली आहे. या मेळाव्यासाठी १२० बस आणि शंभरहुन अधिक खासगी वाहने मुंबईला रवाना होणार असून गावनिहाय कार्यकर्त्यांचे सुक्ष्म नियोजन करण्यात आले आहे. शिंदे गटाच्या मेळाव्यासाठी माजी आमदार चंद्रकांत रघुवंशी हे नंदुरबार जिल्ह्यातून कार्यकर्ते नेण्याचे नियोजन करत असून राज्य परिवहन महामंडळाच्या १२० बसची नोंदणी करण्यात आली आहे. प्रत्येक बसमध्ये ४० कार्यकर्ते राहणार आहेत. स्टीकर आणि झेडे लावून या बस गावनिहाय रवाना करण्यात आल्या आहेत.