पोलीस अधिकारीच असुरक्षित, उपनिरीक्षकावरील हल्ला प्रकरणी तीन जण ताब्यात

पंचवटी पोलीस ठाण्यातील उपनिरीक्षक प्रकाश नेमाणे हे सोमवारी रात्री कामावरून घरी जात असताना वज्रेश्वरी झोपडपट्टी परिसरात काही टवाळखोर मद्यपान करुन धिंगाणा घालत असल्याचे त्यांना दिसले. नेमाणे यांनी त्यांना हटकताच त्यांनी नेमाणे यांच्यावर विटांनी हल्ला केला. या हल्ल्यात नेमाणे जखमी झाले. या घटनेची माहिती मिळताच पंचवटी पोलीस घटनास्थळी दाखल झाले. जखमी नेमाणे यांना खासगी रुग्णालयात दाखल करण्यात आले. शहरात पोलीस अधिकारीच सुरक्षित नसतील तर, सर्वसामान्यांचे काय, असा प्रश्न यानिमित्ताने उपस्थित होत आहे. मंगळवारी दिवसभर या प्रकरणाची शहरात चर्चा सुरू असताना पोलिसांनी तातडीने तीन संशयितांना ताब्यात घेतले. त्यातील एक विधीसंघर्षित बालक आहे.

आणखी वाचा

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

बाबा सिद्दीकी हत्या प्रकरण : आकाशदीप गिलला पंजाबमधून अटक

नागपुरात आणखी एक महाघोटाळा! अडीच हजार लोकांचे कोट्यवधी…

पतीचा पत्नी, मेहुणी, सासऱ्यावर कुऱ्हाडीने हल्ला

गुजरातमधून महाराष्ट्रात गुटखा तस्करी, वाहनासह १५ लाखाचा मुद्देमाल जप्त

मुंबई: १९ वर्षांपासून फरार आरोपी आरोपीला अखेर पकडले

प्रकरण मिटवण्यासाठी मागितली साडेचार लाखांची लाच, नया नगरच्या लाचखोर पोलिसाला अटक

हेही वाचा…धीरेंद्रकृष्ण यांच्या कार्यक्रमास अंनिसचा विरोध, अंधश्रध्देस खतपाणी घालणाऱ्यांना परवानगी दिल्याबद्दल नाराजी

दरम्यान, याआधी चार ऑक्टोबर रोजी दिंडोरी नाक्यावर सराईत गुन्हेगार विकी जाधव उर्फ गट्या (रा. अवधूतवाडी) हा हातात चाकू घेत परिसरात दहशत माजवत असतांना मध्यवर्ती गुन्हे शाखेतील सहायक उपनिरीक्षक नामदेव सोनवणे यांनी त्याला हटकले असता. दोघांमध्ये झटापट झाली. संशयित गट्याने सोनवणे यांच्या पोटात चाकू खुपसत त्यांना जखमी केले होते. परंतु, त्या स्थितीतही सोनवणे यांनी त्यास पकडून ठेवले होते. आपल्याच अधिकारी, कर्मचाऱ्यांवर हल्ले होऊ लागल्याने पोलीस आयुक्त आता तरी कठोर भूमिका घेतील काय, असा प्रश्न उपस्थित होत आहे.