नंदुरबार जिल्हाधिकारी कार्यालयावर संपकऱ्यांचा मोर्चा; मोर्चेकऱ्यांची आठ किलोमीटर पायपीट

जिल्ह्यातील नऊ हजारांहून अधिक शासकीय कर्मचारी संपात सहभागी झाले आहेत. तीन दिवस सर्व कर्मचाऱ्यांनी आपापल्या शासकीय कार्यालयाबाहेर आंदोलन केल्यानंतर शुक्रवारी मध्यवर्ती संघटनेच्या वतीने जिल्हास्तरीय मोर्चाची हाक देण्यात आली होती. त्यानुसार सकाळपासूनच तालुका क्रीडा संकुलाच्या मैदानावर कर्मचारी जमा होण्यास सुरुवात झाली. सकाळी दहाच्या सुमारास मोर्चाला सुरवात झाली. नेहरू पुतळा, सोनार खुंट, साक्रीनाकामार्गे मोर्चा जिल्हाधिकारी कार्यालयावर धडकला. कार्यालयाबाहेर कर्मचाऱ्यांनी ठाण मांडून जोरदार घोषणाबाजी केली. यावेळी पोलिसांनी अवघ्या पाच जणांच्या शिष्टमंडळाला निवेदन देण्यासाठी कार्यालयात जाण्याची अनुमती दिली.

आणखी वाचा

मिरा-भाईंदर शहरात रविवारी विविध राज्यातील मंत्री प्रचारात

Nana Patole : निकालाआधी राजकीय घडामोडींना वेग; यातच…

विधानसभा निवडणुकीत महायुतीला १७० हून अधिक जागा मिळाल्याशिवाय राहणार नाहीत – मुख्यमंत्री एकनाथ शिंदे

पंतप्रधानांच्या आगमनाच्या अखेरच्या क्षणापर्यंत सरकारची स्वच्छ खारघर मोहीम सुरूच

‘धारावी बचाव’चा कार्यकर्ता रिंगणात; मतदारसंघातून गायकवाड कुटुंबाची मक्तेदारी मोडीत काढणार ?

पुणे आवडे पंतप्रधानांना!

पहिली बाजू : भूखंड खादाडांचा डाव उद्ध्वस्त

हेही वाचा – नाशिक जिल्ह्यात एक हजार ५६ संपकरी महसूल कर्मचाऱ्यांना नोटीस

हेही वाचा – धुळे जिल्ह्यातील सर्व संपकऱ्यांना जिल्हाधिकाऱ्यांची जाहीर नोटीस; संपकऱ्यांचा मोर्चा

जिल्हाधिकारी नसल्याने कर्मचारी संघटनांच्या प्रतिनिधींनी निवासी जिल्हाधिकारी सुधीर खांदे यांना निवेदन दिले. यावेळी सत्ताधारी आणि विरोधी दोन्ही गटाच्या नेत्यांनी जुन्या निवृत्तीवेतन योजनेबाबत चालढकल थांबवून शासकीय कर्मचाऱ्यांना न्याय द्यावा, अथवा राज्यातून निवडून आलेल्या लोकप्रतिनिधींनी आपल्या निवृत्तीवेतनाचा त्याग करून आपण शासकीय कर्मचाऱ्यांसमवेत असल्याची भूमिका घेऊन दाखवावी, असे आवाहन आंदोलकांकडून करण्यात आले. दरम्यान, चार दिवसांपासून सुरू असलेल्या संपामुळे शासकीय कार्यालये ओसाड पडली आहेत.