लोकसत्ता प्रतिनिधी
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
जळगाव: शहरातील शिवाजीनगर-हुडको परिसरात वादातून गोळीबार केल्याची घटना सोमवारी दुपारी घडली. याप्रकरणी संशयिताला शहर पोलीस ठाण्याच्या पथकाने ताब्यात घेतले असून, त्याची चौकशी सुरू आहे.
शिवाजीनगर-हुडको परिसरातील सोमवारी दुपारी एकच्या सुमारास पूर्ववैमनस्यातून वाद चिघळला. यामुळे तेथे परिसरातील रहिवाशांची गर्दी जमली. वाद घालणार्यांपैकी एकाने हवेत गोळीबार केला. यामुळे जमावाने तेथून तत्काळ काढता पाय घेतला. घटनेची माहिती मिळताच शहर पोलीस ठाण्याच्या पथकाने धाव घेत हवेत गोळीबार करणार्या संशयिताला ताब्यात घेत त्याची चौकशी सुरू केली आहे. तो एका गंभीर गुन्ह्यातील संशयित असून, जामिनावर सुटल्याची प्राथमिक माहिती पोलीस सूत्रांकडून मिळाली.
First published on: 17-07-2023 at 16:52 IST
Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Firing in the air in shivajinagar hudco in jalgaon suspect in custody mrj
Show comments