निरीक्षण गृहातून पळालेली पाच बालके ताब्यात

नाशिक : मनमाड येथील मुलांच्या निरीक्षण गृहातून पळालेल्या पाच विधीसंघर्षित बालकांना शोधण्यात निरीक्षणगृहाचे कर्मचारी तसेच मनमाड पोलिसांना यश आले आहे. त्यांना निरीक्षणगृहातील अधिकाऱ्यांच्या ताब्यात देण्यात आले असून बाल न्याय मंडळासमोर हजर करण्यात येणार आहे.

आणखी वाचा

कल्याण-डोंबिवलीत १२ वी परीक्षेतील काॅपी रोखण्यासाठी पाच भरारी पथके

विश्लेषण : मनोज जरांगे यांच्या आंदोलनाचा प्रभाव ओसरला?…

मुंबई: लाच मागितल्याप्रकरणी पोलीस हवालदाराला अटक

परभणीत सहा लाख रुपये किमतीचा गांजा जप्त

ग्रामीण भागातून दुचाकी चोरणारा गजाआड; वाशिममधील चोरट्याकडून ११ दुचाकी जप्त

कारागृहातून सुटल्यानंतर गोंधळ; साताऱ्यात नऊ जणांवर गुन्हा

सैफ हल्ला प्रकरणः नर्स लीमा आणि आया जुनू यांनी ओळख परेडमध्ये आरोपीला ओळखले

बदलापूर चकमक प्रकरण : ठपका ठेवलेल्या चारही पोलिसांची उच्च न्यायालयात धाव, दंडाधिकाऱ्यांच्या चौकशी अहवालाची प्रत देण्याची, म्हणणे ऐकण्याची मागणी

मनमाड येथील मुलांच्या निरीक्षण गृहातील काही विधीसंघर्षित बालके तेथील वातावरणास कंटाळल्यामुळे त्यांनी बाहेर पडण्याची योजना आखली. रविवारी रात्री उशीरा निरीक्षणगृहातील कर्मचारी अक्षय डिंबर यांच्याकडे त्यांनी पिण्यासाठी पाणी मागितले. त्यांनी बादलीतून पाणी आणत जारमध्ये घ्या, असे मुलांना सांगितले. त्यानंतर विधीसंघर्षित बालकांनी चहाची मागणी करत डिंबर यांच्याशी वाद घातला. त्यांना मारहाण केली. त्यांच्या हाताचा चावा घेत पाच जण पळून गेले.

आणखी वाचा-शेतात १० वर्षांपूर्वी हरवलेली सोन्याची अंगठी मजुरांना सापडली

दरम्यान, या प्रकाराची माहिती निरीक्षणगृहाच्या वतीने मनमाड पोलिसांना देण्यात आली. गस्तीवरील पोलीस आणि निरीक्षणगृहाचे कर्मचारीही बालकांचा शोध घेऊ लागले. बालके मनमाडच्या नवीन बस स्थानक परिसराकडे गेल्याची माहिती मिळाल्यानंतर पोलीस आणि निरीक्षणगृहाचे अधिकारी त्या ठिकाणी गेले असता बालके तिथे आढळली. परंतु, अंधाराचा फायदा घेत तीन जण फरार झाली. दोन बालकांना ताब्यात घेण्यात आले. दुसऱ्या दिवशी फरार बालकांचा पुन्हा शोध घेण्यात आला. शहराजवळील नदी परिसरातील झाडाझुडपांमध्ये अन्य तीन बालके पोलिसांना सापडली. पोलिसांनी तीनही बालकांना निरीक्षणगृहाच्या अधिकाऱ्यांच्या ताब्यात दिले. पाचही बालकांना बाल न्याय मंडळासमोर हजर करण्यात येणार आहे.