नाशिकमध्ये बिबट्याचा थरार… सात तास सुरु होता शोध; कारखाली लपून बसलेला असताना अडकला जाळ्यात

नेमकं काय घडलं?

नाशिकमध्ये सकाळी ७ वाजता एक बिबट्या जय भवानी रोड परिसरात दिसला. आधी एका इमारतीत दिसलेला हा बिबट्या नंतर एका गार्डनमध्ये आणि काही इमारतींच्या समोरही पाहायला मिळाला. बिबट्या दिसल्याने नागरिकांमध्ये भीतीचं वातावरण निर्माण झालं. त्यानंतर वनविभाग घटनास्थळी दाखल झाला. त्यांनी बिबट्याचा शोध घेतला, पण बिबट्या न सापडल्याने तो शेजारी असलेल्या जंगलात गेल्याचं बोललं गेलं. मात्र, काही वेळातच हा बिबट्या पुन्हा नागरी वसाहतीत दिसला. त्याने हल्ला करण्याचा प्रयत्न केल्याचंही सांगितलं गेलं.

आणखी वाचा

म्हाडाच्या नाशिक मंडळाच्या ४९३ घरांसाठी मार्चमध्ये सोडत, २० टक्के योजनेतील घरांसाठी दोन ते तीन दिवसांत जाहिरात

Malasian Airlines: बेपत्ता MH370 चा शोध; पुण्यातील प्रल्हाद…

सायंकाळी ५.३० ते सकाळी १० पर्यंत काहीही न खाणे पोटावरचा घेर कमी करण्यासाठी फायदेशीर; वाचा, तज्ज्ञ काय सांगतात…

नाशिक : पवननगरमध्ये जेसीबीच्या धक्क्याने गॅस गळती

नाशिक : पवननगरमध्ये जेसीबीच्या धक्क्याने गॅस गळती

धुळ्यात ‘बर्ड फ्लू’ प्रादूर्भावापूर्वीच २७ पथके तैनात, कुक्कुट व्यावसायिकांना सूचना

स्थानिकांच्या विरोधामुळे २२ आरोग्यवर्धिनी केंद्र अधांतरी, नवीन जागा शोधण्याची वेळ

टोरेस गैरव्यवहार प्रकरणः मुंबई व जयपूर येथील १३ ठिकाणी ईडीचे छापे

बेशुद्ध करण्याचं इंजेक्शन देऊन अखेर बिबट्या जेरबंद

अखेर तब्बल ७ तास लपंडाव खेळल्यानंतर वनविभागाने या बिबट्याला गायकवाड निवासमधील एका कारखाली पकडलं. बिबट्या पळून जाऊ नये म्हणून वनविभागाने संपूर्ण कार जाळ्याने घेरली. त्यानंतर बेशुद्ध करण्याचं इंजेक्शन देऊन बिबट्याला जेरबंद करण्यात आलं.

हेही वाचा : लोकसत्ता विश्लेषण : रेडिओ कॉलर लावूनही बिबट्या बेपत्ता कसा?

दरम्यान, वनविभाग बिबट्याला पकडत असताना उत्साही नागरिकांमुळे अनेक अडचणीही आल्या. सेल्फी किंवा फोटो काढण्याच्या अट्टाहासामुळे वनविभागाला बिबट्या पकडताना अडथळे आले. त्यामुळे पोलिसांना हस्तक्षेप करत अशा उत्साही नागरिकांना घटनास्थळापासून दूर ठेवावं लागलं.