नोकरीचे आमिष दाखवून फसवणूक; गुन्हा दाखल करण्याचा न्यायालयाचा आदेश

धुळे : सरकारी नोकरीला लावून देतो, असे सांगून २० लाख ७५ हजार रुपये घेऊन फसवणूक केल्याप्रकरणी संशयिताविरुध्द गुन्हा दाखल करण्याचे आदेश न्यायालयाने दिले आहेत. चंद्रभान ओसवाल याने धुळ्यातील गोपाल टी  हाऊसचे माजी कर्मचारी दिनकर तांबे यांना मुलगा, मुलगी आणि सुना यांना सरकारी नोकरीत लावून देण्याचे आमिष दाखवित २० लाख ७५ हजार रुपये रोख स्वरुपात घेतले. तथापि यापैकी कुणालाही नोकरी मिळवून दिली नाही. यामुळे तांबे यांनी रक्कम परत मागितली असता ओसवालने उडवाउडवीची उत्तरे देऊन तांबे कुटुंबियांची बोळवण केली.

महाराष्ट्र राज्य आरोग्य सेवा संचालनालय मुंबई यांच्या नावाचे खोटे पत्र आणि खोटा आदेश दाखवून फसवणूक केली. तांबे यांनी ॲड. चैतन्य भंडारी यांच्या माध्यमातून न्यायालयात धाव घेतली. भंडारी यांचा युक्तिवाद ग्राह्य धरून न्या. प्रविण सागडे यांनी तांबे यांच्या बाजूने निकाल देत ओसवालविरुध्द गुन्हा दाखल करण्याचे आदेश धुळे शहर पोलीस ठाण्याला दिले. भंडारी यांना ॲड. प्राजक्ता राणा, ॲड. भाग्यश्री नागमोती यांचे सहकार्य लाभले.

आणखी वाचा

राहुल गांधी यांना नाशिक जिल्हा न्यायालयाने उपस्थित राहण्याचा हुकूम देण्याचे कारण…

Bigg Boss Marathi 5: सर्व एलिमिनेटेड सदस्यांची घरात…

बिल्किस बानोप्रकरणी गुजरात सरकारची याचिका सर्वोच्च न्यायालयाने फेटाळली

डॉ. अजित रानडे हे ७ ऑक्टोबरपर्यंत कुलगुरूपदी कायम; उच्च न्यायालयाची स्पष्टोक्ती

अटकेतील आरोपीचा न्यायालयालाच गंडवण्याचा प्रयत्न; न्यायमूर्ती संतापून म्हणाल्या, “याच्यावर तातडीने…”

मंत्री शंभुराज देसाईंकडून कायद्याची अवहेलना, उच्च न्यायालयाकडून नाराजी

उरण : जमिनी शेतकऱ्यांना परत करण्यास सेझ कंपनीची हरकत,पुढील सुनावणी ९ ऑक्टोबरपर्यंत पुढे ढकलली

२० कोटींचा बेकायदा लाभ घेण्यासाठी उच्च न्यायालयात बनावट कागदपत्र सादर, चौघांविरोधात गुन्हा दाखल