नाशिक: दाहिनीऐवजी सरणावरच अंत्यविधी,अंत्यसंस्कारात सव्वा कोटींचा खर्च

हेही वाचा >>>नाशिक : मुसळगाव औद्योगिक वसाहतीतील कंपनीला आग, मोठ्या प्रमाणात नुकसान

आणखी वाचा

पुणे: खडकीत दोघा तरुणांवर कोयत्याने वार

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Atul Subhash Suicide: अतुल सुभाष यांच्या सुसाइड नोटमध्ये अनेक धक्कादायक दावे, शेवटच्या १२ इच्छा व्यक्त करताना न्यायव्यवस्थेवर केली टीका

पूरग्रस्त एकतानगरीचे होणार स्थलांतर नक्की कधी आणि कुठे?

Atul Subhash Suicide: गुन्हे मागे घेण्यासाठी ३ कोटी, तर मुलाला भेटू देण्यासाठी ३० लाख रुपयांची पत्नीकडून मागणी; अतुल सुभाष आत्महत्या प्रकरणी भावाचा खुलासा

सतीश वाघ यांची हत्या जुन्या वादातून, पाच लाखांची दिली होती सुपारी – पुणे पोलीस आयुक्त अमितेशकुमार

रॅगिंगविरोधी नियमांचे पालन न केल्यास कठोर कारवाई, राष्ट्रीय आयुर्विज्ञान आयोगाचा वैद्यकीय महाविद्यालयांना इशारा

म्हाडाच्या नाशिक मंडळाचे मुख्य अधिकारी निलंबित; २० टक्के योजनेतील घरे मिळविण्यात हलगर्जीपणा केल्याचा ठपका

मनपा आयुक्त तथा प्रशासक डॉ. चंद्रकांत पुलकुंडवार यांनी मंगळवारी चार विभागातील स्मशानभूमींची पाहणी केली. तीन ठिकाणी नव्याने कार्यान्वित केली जाणारी वीज दाहिनी आणि इतर अमरधाममधील दुरुस्तीची कामे मार्च अखेरपर्यंत पूर्ण करण्याचे आदेश त्यांनी दिले. शहरात अंत्यसंस्कारासाठी २६ ठिकाणे असून तिथे एकूण ९२ सरण (बेड) आहेत. काही स्मशानभूमीत सरणाची संख्या कमी आहे. तेथील गरज लक्षात घेऊन आवश्यक त्या ठिकाणी सरणाची संख्या वाढवली जाईल. काही अमरधामची अंतर्गत स्थिती चांगली नाही. त्या ठिकाणी सुशोभिकरण व उद्यानाची कामे करणे वा तत्सम कामासाठी सामाजिक दायित्व निधीतून मदतीसाठी ऑनलाईन व्यासपीठ उपलब्ध करण्याची सूचना आयुक्तांनी केली.

हेही वाचा >>>मालेगाव: भूईकोट किल्ला अतिक्रमण विरोधातील आंदोलन स्थगित

आयुक्तांनी प्रथम पूर्व विभागातील अमरधाम येथील पारंपरिक, गॅस व विद्युत या तिन्ही पद्धतींची पाहणी करीत दुरुस्तीच्या सूचना केल्या. नंतर पंचवटी अमरधाममध्ये नव्याने सुरु होणाऱ्या वीज दाहिनीच्या कामाची माहिती घेतली. गोसावी, लिंगायत समाजाच्या दफनभूमीची पाहणी केल्यावर त्यांनी नाशिकरोडच्या दसक स्मशान भूमीतील पारंपरिक आणि नवीन विद्युत दाहिनीच्या कामाचा आढावा घेतला. नवीन नाशिक विभागातील उंटवाडी स्मशानभूमीत सरणाची संख्या वाढविण्याबरोबर फरशा व खांबांची दुरुस्ती करण्याचे निर्देश दिले. अमरधाममध्ये प्रवेशद्वार व आतील परीसरात उद्यानासह सुशोभिकरण करुन वातावरण चांगले ठेवण्याकडे लक्ष द्यावे. असे सूचित केले. यावेळी शहर अभियंता शिवकुमार वंजारी, घनकचरा व्यवस्थापन विभागाचे संचालक डॉ. आवेश पलोड, बांधकाम विभागातील कार्यकारी अभियंता जितेंद्र पाटोळे आदी उपस्थित होते. या दौऱ्यात आयुक्तांनी हिरावाडी येथील नाट्यगृह, आडगाव येथील कबड्डी स्टेडियम, स्मार्ट सिटी योजनेतील जलकुंभ, पंडित पलुस्कर सांस्कृतिक भवनच्या कामांची पाहणी करीत ते मुदतीत करण्याचे सूचित केले.

हेही वाचा >>>नाशिक जिल्ह्यात पाच घरफोडी, लाखोंचा मुद्देमाल लंपास

अनेकांचा कल नाशिक व पंचवटी अमरधामकडे
शहरात अंत्यसंस्कारासाठी २६ ठिकाणे असून सरणासाठी ९२ (बेड्स) आहेत. सर्व विभागात अंत्यसंस्काराची व्यवस्था आहे. पण, अनेकांचा कल नाशिक व पंचवटी अमरधाममध्ये अंत्यसंस्कार करण्याकडे असतो. मनपाकडून मोफत अंत्यसंस्कार योजना राबविली जाते. अंत्यसंस्कारासाठी लाकूड व तत्सम वस्तू उपलब्ध केल्या जातात. शहरात दररोज साधारणत: ४० पार्थिवांवर अंत्यसंस्कार केले जातात. त्यातील वीज दाहिनीवर केवळ दोन, तीन अंत्यसंस्कार होतात. उर्वरित बहुतांश अंत्यसंस्कार लाकडाचे सरण रचून केले जातात. वीज, गॅस वाहिनीचा वापर वाढविण्यासाठी वेगवेगळ्या भागात वीज दाहिन्यांची संख्या वाढविण्याचा प्रयत्न आहे.

पारंपरिक पध्दतीने धुलीकण, वायू उत्सर्जनात भर
लाकडाचे सरण रचून केल्या जाणाऱ्या अंत्यसंस्कारांमुळे धुलीकण व वायू उत्सर्जनाचे प्रमाण वाढल्याचे निरीक्षण अलीकडेच राष्ट्रीय पर्यावरण अभियांत्रिकी संशोधन संस्था (निरी), ऊर्जा व संसाधन संस्था (टेरी) आणि महाराष्ट्र प्रदूषण नियंत्रण मंडळ (एमपीसीबी) यांच्या सहकार्याने झालेल्या अभ्यासातून समोर आले आहे. कधीकाळी स्वच्छ हवेसाठी ओळखल्या जाणाऱ्या नाशिकची ही ओळख धुलीकणांसह अन्य वायुंमुळे अडचणीत येण्याच्या मार्गावर आहे. उद्योग, वाहतूक, रस्त्यावरील धुळ, वीटभट्ट्या, बांधकाम, स्टोन क्रशर, स्मशानभूमी, बेकरी अशा जवळपास ११ क्षेत्रांमधून होणाऱ्या उत्सर्जनामुळे शहरात हवेतील प्रदूषण वाढण्यास हातभार लागत आहे.