नाशिकमध्ये पावसाने ५१३ हेक्टरवरील पिकांचे नुकसान

चार ते पाच दिवसांपासून अनेक भागात वादळी वारा, विजांच्या कडकडाटासह पाऊस कोसळत आहे. जिल्ह्यातील अनेक भागात घरांची पडझड झाली. वीज पडून चांदवड तालुक्यात एका महिलेचा मृत्यू झाला तर सिन्नरमध्ये घराची भिंत पडून महिला जखमी झाली. वीज पडून पशूधनाचे मोठ्या प्रमाणात नुकसान झाले. वादळी पावसाने हातातोंडाशी आलेला आंब्याचा घास हिरावला गेला. नुकसानीच्या प्राथमिक अहवालानुसार ४१ गावातील १३३८ शेतकरी बाधित झाले. या गावातील एकूण ५१३ हेक्टरवरील पिके आणि फळपिकांचे नुकसान झाले. डाळिंबाचे (साडेचार हेक्टर), द्राक्ष (१.२१ हेक्टर) यासह काही ठिकाणी मका व कांद्याचे नुकसान झाले. २४ हेक्टरवरील इतर पिकांचे नुकसान झाल्याचा अंदाज आहे. नैसर्गिक संकटाची सर्वाधिक झळ पेठ तालुक्यास बसली. या तालुक्यातील २९ गावांतील १२७० शेतकऱ्यांचे नुकसान झाले. या एकाच तालुक्यात ४६९ हेक्टरवरील आंबा आणि २४ हेक्टरवरील अन्य पिके असे ४९३ हेक्टरवरील पिकांचे नुकसान झाले. सुरगाणा आणि नाशिक तालुक्यात प्रत्येकी चार गावांना पावसाचा फटका बसला. नाशिकमध्ये (साडेसात हेक्टर), सुरगाणा (३.५१ हेक्टर), दिंडोरी (चार), सटाणा (३.८०) आणि निफाड (१.२१ हेक्टर) पिकांचे नुकसान झाले.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

आज दूपारनंतर पावसाला सुरुवात, विदर्भ आणि मराठवाड्याला ‘येलो अलर्ट’

यंदा लाल तिखटाचा भडका उडणार; मिरचीची आवक घटल्याने दर वाढणार

शिराळ्यात गव्यांकडून दोनशे एकर शेतीचे नुकसान

बोरिवली, मालाडची हवा धोकादायक, महिन्यातील जवळपास वीस दिवस बहुतेक भागांत वाईट हवेची नोंद

विकासकामांच्या गुणवत्तेवर अधिक भर द्यावा; पालिका आयुक्त भूषण गगराणी यांचे अधिकाऱ्यांना आदेश

अमरावती : थंडीची लाट…! विभागीय आयुक्तांनी काय दिला इशारा?

हेही वाचा…नाशिकमध्ये टंचाईची तीव्रता गडद कशी होतेय? १२ तालुक्यांतील ११३९ गाव-वाड्यांना टँकरने पाणी

निवडणुकीमुळे पंचनामे संथपणे

जिल्ह्यात पावसामुळे जिवितहानी, पशूधन, फळपीक, कांदा चाळीचे मोठे नुकसान झाले. प्रशासनाने नुकसानीचे पंचनामे करण्याचे निर्देश दिले असले तरी त्यास विलंब लागण्याची शक्यता वर्तविली जात आहे. २० मे रोजी नाशिक, दिंडोरी मतदारसंघात मतदान होणार आहे. कृषी व महसूलसह अन्य विभागातील बहुतांश कर्मचाऱ्यांची निवडणूक कामावर नियुक्ती झाली आहे. निवडणूक प्रशिक्षण व अन्य कामांमुळे पंचनाम्याचे काम संथपणे पुढे जात आहे. पावसाची हजेरी कायम राहिल्यास नुकसानीचे प्रमाण वाढत राहील. यामुळे पुन्हा, पुन्हा ते काम करावे लागण्याची भीती व्यक्त केली जाते.