आचारसंहितेत नाशिक जिल्ह्यात साडेपाच कोटीचा मद्यसाठा, अमली पदार्थ जप्त

निवडणूक काळात मतदारांना प्रलोभन दाखविण्यासाठी विविध मार्गांचा अवलंब केला जातो. या काळात मद्याचा महापूर वाहत असल्याचा अनुभव आहे. या पार्श्वभूमीवर, मद्याची अवैध वाहतूक व अमली पदार्थ विक्रीवर यंत्रणांकडून काटेकोरपणे लक्ष दिले जात आहे. लोकसभा निवडणुकीची घोषणा झाल्यानंतर १६ मार्च रोजी आचारसंहिता लागू झाली. तेव्हापासून आतापर्यंत विविध यंत्रणांनी केलेल्या कारवाईची माहिती जिल्हा निवडणूक शाखेने अहवालातून दिली आहे. त्यानुसार या काळात एक कोटी ७१ हजार ६६३ लिटर मद्यसाठा जप्त करण्यात आला. त्याची किंमत सुमारे अडीच कोटीच्या घरात आहे.

आणखी वाचा

नाशिक जिल्ह्यात दोन दिवसात ५७ लाखांचा मुद्देमाल जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

सोयाबीनला सहा हजारांचा हमीभाव देणार, पंतप्रधान नरेंद्र मोदी यांची घोषणा

७० मतदारसंघांत सोयाबीन ‘रोष’

नाशिक: एकाच दिवसात ३४९ गुन्हेगार हद्दपार

शंभरी गाठलेल्या कांद्यामुळे ग्राहक जेरीस, जाणून घ्या, शेतकऱ्यांना किती दर मिळतो, ग्राहकांना किती रुपये मोजावे लागतात

हेही वाचा…रक्षा खडसे यांच्यावर एकनाथ खडसे यांचे २३ लाखांचे कर्ज, मालमत्तेत साडेसात कोटींनी वाढ

इगतपुरी तालुक्यात मोठ्या प्रमाणात मद्यसाठा पकडण्यात आला. नाशिक पश्चिम व नाशिक मध्य विधानसभा क्षेत्रात हे प्रमाण सर्वात कमी आहे. त्याचवेळी एक लाख १७ हजार ग्रॅम विविध प्रकारचे अमली पदार्थ जप्त करण्यात आले. त्याची किंमत २५ लाखाच्या आसपास आहे. याच काळात दोन कोटी ७१ लाख रुपये किंमतीची अन्य सामग्री जप्त करण्यात आली. आचारसंहिता लागू झाल्यापासून पाच कोटी ४१ लाख रुपयांचा अवैध मद्य व अमली पदार्थांचा साठा जप्त करण्यात आल्याची माहिती उपजिल्हा निवडणूक अधिकारी डॉ. शशिकांत मंगरुळे यांनी दिली.