नाशिक जिल्ह्यात १५ लाखांचा अवैध मद्यसाठा जप्त

वणी गावातील के. आर. टी. महाविद्यालयासमोर वणी-सापुतारा रस्त्याने अवैधरित्या मद्याची वाहतूक होत असल्याची माहिती स्थानिक गुन्हे शाखेला मिळाल्यानंतर पथकाने सापळा रचला. संशयित मोटार येताच तपासणी करुन देशी मद्याचा एक लाख, ६८ हजार ७०० रुपयांचा अवैध मद्यसाठा आणि वाहन असा तीन लाख, १८ हजार ७०० रुपयांचा मुद्देमाल जप्त करण्यात आला. साईनाथ जाधव (२५, रा. वागळूद) याला ताब्यात घेण्यात आले. अवैध मद्यसाठा त्याचा साथीदार किरण नागरे (रा. रामवाडी) याच्या दुकानातून भरल्याचे सांगितले. पोलिसांनी दोघांविरुद्ध गुन्हा दाखल केला.

हेही वाचा – धुळ्यातून चार घुसखोर बांगलादेशी ताब्यात

हेही वाचा – जळगाव जिल्ह्यात टँकरच्या धडकेने दोन जणांचा मृत्यू

दुसऱ्या घटनेत चांदवड पोलीस ठाणे हद्दीतील चांदवड-देवळा रस्त्यावर स्थानिक गुन्हे शाखेच्या पथकाने सापळा रचत संशयित मोटारीची तपासणी केली. देशी मद्याचा २१ हजार रुपयांचा मुद्देमाल जप्त केला. या कारवाईत वाहन व अवैध मद्यसाठा असा १० लाख ३१ हजार रुपयांचा मुद्देमाल जप्त केला. पोलिसांनी सागर कोतवाल (३०), प्रसाद सोनवणे (२४, रा. चांदवड) यांना ताब्यात घेतले. दोघांविरुद्ध गुन्हा दाखल करण्यात आला आहे.