धुळे: जिल्ह्यातील शिरपूर तालुक्यातील वाकपाडा शिवारात राज्य उत्पादन शुल्क विभागाच्या भरारी पथकाने टाकलेल्या छाप्यात बनावट विदेशी मद्याचा साठा जप्त करण्यात आला. कारवाईत २४ लाख ७२ हजार ५४० रुपयांच्या मुद्देमालासह एका संशयिताला अटक करण्यात आली. राज्य उत्पादन शुल्क विभागाच्या धुळे जिल्हा अधीक्षक स्वाती काकडे यांनी संपूर्ण जिल्ह्यात अवैद्य मद्य निर्मिती, विक्री व वाहतूकविरुद्ध कारवाई सुरु केली आहे. धुळे जिल्ह्यातील वाकपाडा शिवारात रविवारी छापा टाकण्यात आलाा. या ठिकाणी पथकाने केलेल्या तपासणीत महाराष्ट्रात प्रतिबंध असलेल्या विदेशी मद्याचा साठा आढळला. गोवानिर्मित हे मद्य विक्रीसाठी ठेवण्यात आल्याची माहिती मिळाल्याने ही कारवाई करण्यात आली. गोदामात वेगवेगळ्या दोन ठिकाणी ताडपत्रीने झाकलेले खोके तपासले असता त्यात गोवा राज्य निर्मित एकूण २४ लाख ७२ हजार ५४० रुपयांचा मुद्देमाल पथकाच्या हाती लागला. याप्रकरणी संशयित अमोल पाटील यास अटक करण्यात आली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
