धुळे जिल्ह्यात तीन बालकांचे प्राण घेणारा बिबट्या अखेर जाळ्यात

धुळे : तालुक्यातील बोरकुंड, मोघण शिवारात १५ दिवसांत तीन बालकांना ठार करणारा बिबट्या अखेर वन विभागाच्या जाळ्यात सापडला. बिबट्याला बेशुद्ध करून पकडण्यात आल्याने परिसरातील ग्रामस्थांना दिलासा मिळाला आहे. बिबट्याच्या हल्ल्यात जखमी झालेल्या रमेश डुढवे (१०, मोघण, धुळे) या बालकाचा रुग्णालयात मृत्यू झाला. डुढवे कुटूंब मूळचे मध्य प्रदेशातील असून रोजगारानिमित्त धुळे तालुक्यात आले होते. रमेश हा झोपडीच्या बाजूला जमिनीवर झोपला असतांना बिबट्याने त्याला उचलून नेले होते. या हल्ल्यात गंभीर जखमी रमेशला जिल्हा रुग्णालयात दाखल करण्यात आले होते.

हेही वाचा : आरक्षणासाठी जिल्ह्यातील मराठा समाज आक्रमक; नेत्यांसह मंत्र्यांना गावबंदी, कँडल मार्च, पदाधिकाऱ्यांचे उपोषण

आणखी वाचा

हास्यतरंग : माझी स्वप्न…

भारतासाठी धोक्याची घंटा? चीनमध्ये सापडला लिथियमचा मोठा साठा,…

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

त्याचा रविवारी मृत्यू झाला. बिबट्याच्या हल्ल्यात याआधी दोन बालकांचा मृत्यू झाला होता. वन विभागाने चार दिवसापासून बिबट्याला जाळ्यात पकडण्यासाठी १० पिंजरे, २० कॅमेरे आणि तीन नेमबाजांसह जवळपास ७० कर्मचार्‍यांचे पथक असा ताफा तैनात केला होता. दीर्घ प्रतीक्षेनंतर अखेर बिबट्या सोमवारी पहाटे जाळ्यात अडकला. त्याला बेशुद्ध करण्यात आले. बिबट्याला सुरक्षित अधिवास क्षेत्रात सोडण्यात येणार आहे.