समायोजनासाठी धुळ्यात कंत्राटी आरोग्य कर्मचाऱ्यांचा मोर्चा

धुळे : कंत्राटी आरोग्य कर्मचाऱ्यांचे बिनशर्त समायोजन करावे, आरोग्य सेवेत कायम करावे, यासह विविध मागण्यांसाठी राष्ट्रीय आरोग्य अभियान कंत्राटी अधिकारी व कर्मचारी महासंघ, समायोजन कृती समितीने बुधवारी सकाळी शहरातून मोर्चा काढला. या मोर्चात कंत्राटी कर्मचारी मोठ्या संख्येने सहभागी झाले होते. राष्ट्रीय आरोग्य अभियानातंर्गत कंत्राटी आरोग्य कर्मचाऱ्यांचे बिनशर्त समायोजन करावे. तोपर्यंत समान काम समान वेतन द्यावे, या प्रमुख मागणीसाठी राष्ट्रीय आरोग्य अभियानातंर्गत काम करणाऱ्या सर्व अधिकारी व कर्मचाऱ्यांचे ३५ दिवसांपासून कामबंद आंदोलन सुरू आहे. तसेच आठ दिवसांपासून क्युमाईन क्लबरोडवर धरणे आंदोलन सुरु आहे.

हेही वाचा : हवाई प्रशिक्षणात आभासी प्रणालीवर भर, आर्मी एव्हिएशन स्कूलचा दीक्षांत सोहळा

आणखी वाचा

Sanjay Raut: ‘फुटणाऱ्यांना लाज वाटली पाहिजे’, शरद पवार गटाचे खासदार अजित पवारांची साथ देणार? संजय राऊत संतापले

Madhuri Dixit : डर चित्रपट माधुरी दीक्षितने का…

Ajit Pawar: अजित पवार दिल्लीतील नवे मराठा स्ट्राँगमॅन; खासदार सुनेत्रा पवार यांना शरद पवारांसमोरील बंगला मिळाल्यामुळे चर्चांना उधाण

पूरग्रस्त एकतानगरीचे होणार स्थलांतर नक्की कधी आणि कुठे?

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

पिंपरी : जिजामाता रुग्णालयातील रकमेचा अपहार; लिपिकाची खातेनिहाय चौकशी

समता, न्याय मिळण्याच्या दिशेने कायद्यांमध्ये बदल होणे गरजेचे, मेधा पाटकर यांचे मत

मुख्यमंत्र्यांचे प्रशासनाला १०० दिवसांचे लक्ष्य

या आंदोलनात जिल्ह्यातील कंत्राटी आरोग्य सेविका, सहायक प्रयोगशाळा तंत्रज्ञ, औषध निर्माण अधिकारी, वैद्यकीय अधिकारी, राष्ट्रीय बालस्वास्थ कार्यक्रमातंर्गत कार्यरत वैद्यकीय अधिकारी, डाटाएंट्री ऑपरेटर, लेखाधिकारी असे एक हजार २५० कर्मचारी तर राज्यभरातील ३५ हजार कर्मचारी सहभागी झाले आहेत. अद्याप शासनाला जाग आलेली नसल्याने कंत्राटी आरोग्य कर्मचाऱ्यांनी शिवतीर्थापासून क्यूमाईन रोडपर्यंत मोर्चा काढला. कंत्राटी आरोग्य कर्मचाऱ्यांच्या कामबंद आंदोलनामुळे जिल्ह्यातील आरोग्यसेवा, लसीकरण ठप्प झाले आहे. ग्रामीण भागातून आलेल्या रुग्णांना आरोग्य सेवेपासून वंचित रहावे लागत आहे.