मुख्यमंत्री नऊ सप्टेंबरला पाचोऱ्यात, शासन आपल्या दारी तालुका उपक्रम

शासनाच्या लोककल्याणकारी योजना व व्यक्तिगत लाभाच्या योजनांचा लाभ गरजू नागरिकांना मिळावा यासाठी राज्य शासनातर्फे राज्यभर शासन आपल्या दारी हा महत्त्वाकांक्षी कार्यक्रम जिल्हानिहाय घेतला जात आहे. याचाच पुढचा टप्पा म्हणून तालुकास्तरीय शासन आपल्या दारी उपक्रम घेण्याचे नियोजन करण्यात आले असून, जळगाव जिल्ह्यातील पहिला तालुकास्तरीय शासन आपल्या दारी उपक्रम पाचोरा येथे होणार आहे.

हेही वाचा : धुळ्यात दूध भेसळ करणाऱ्या आठ विक्रेत्यांवर कारवाई

यावेळी मुख्यमंत्री शिंदे यांच्या हस्ते नगरदेवळा येथील औद्योगिक वसाहत, पाचोरा येथील उपजिल्हा रुग्णालय, क्रीडा संकुल, ऑक्सिजन पार्क यांसह विविध विकासकामांचे भूमिपूजन व उद्घाटन केले जाणार आहे. शिवाय, पाचोरा व भडगाव तालुक्यांतील सुमारे १५ हजार लाभार्थ्यांना शासनाच्या विविध योजनांचा लाभ देण्याचे नियोजन प्रशासन स्तरावर करण्यात आले आहे.