नाशिक : विधानसभा निवडणुकीच्या पाश्वभूमीवर, नाशिक ग्रामीण पोलिसांनी मालेगाव तालुक्यात चार गावठी बंदुका, ३१ जिवंत काडतुसे, दोन तलवारी असा शस्त्रसाठा जप्त केला आहे. नाशिक परिक्षेत्राचे विशेष पोलीस महानिरीक्षक दत्तात्रय कराळे यांनी दिलेल्या निर्देशांनुसार जिल्ह्यात अवैध व्यवसायांविरोधात कारवाई करण्यात येत आहे. मालेगाव तालुका पोलीस ठाण्याच्या अधिकाऱ्यांना धुळे- मालेगाव महामार्गाने एका मोटारीतून काही संशयित शस्त्रसाठा घेऊन मालेगावच्या दिशेने येणार असल्याची माहिती मिळाली. त्यानुसार पथकाने चाळीसगाव फाटा, सायने शिवारात सापळा रचला. संशयित मोटार आल्यावर ती थांबविण्यात आली. मोटारीतील दोन जणांची झडती घेतली असता दोन देशी बंदुका, २७ जिवंत काडतुसे, दोन चॉपर असा शस्त्रसाठा आढळला. ताब्यात घेतलेले शाकीर पठाण (३४, रा. उत्तमनगर), मोहम्मद सय्यद (२९, रा. नानावली) हे दोघे नाशिकमधील आहेत. दोघांनी संगनमत करत जनतेमध्ये दहशत निर्माण करण्यासाठी अवैधरित्या शस्त्रे बाळगत असल्याची कबुली दिली. दोघेही सराईत गुन्हेगार असून नाशिक शहरातील भद्रकाली, आडगाव, नाशिक ग्रामीण हद्दीतील घोटी, वाडीवऱ्हे, धुळे जिल्ह्यातील शिरपूर पोलीस ठाण्यांमध्ये गंभीर स्वरुपातील गुन्हे त्यांच्याविरुध्द दाखल आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
