मालेगाव : दिवाळीची सर्वत्र धामधूम सुरू असताना लक्ष्मीपूजनच्या दिवशी सलमान खानच्या चाहत्यांनी येथील मोहन चित्रपटगृहात थेट फटाक्यांची आतषबाजी करत गोंधळ घातला. जवळपास १० मिनिटे विविध फटाके उडवले गेले. या घटनाक्रमामुळे चित्रपटाचा खेळ मध्येच बंद करावा लागला. विशेष म्हणजे, छावणी पोलीस ठाण्यापासून हाकेच्या अंतरावर हा प्रकार घडला. मालेगाव शहरात सलमान खान व शाहरुख खानच्या चाहत्यांची मोठी संख्या आहे. संबंधितांचे चित्रपट प्रदर्शित झाल्यानंतर त्यास चाहत्यांची चांगलीच गर्दी होते. उत्साहाच्या भरात त्यांच्याकडून अनेकदा गोंधळ घातल्याची उदाहरणे आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रविवारी रात्री मोहन चित्रपटगृहात त्याची पुनरावृत्ती झाली. लक्ष्मी पूजनच्या दिवशी म्हणजे रविवारी रात्री या चित्रपटगृहात सलमान खानच्या टायगर तीन या चित्रपटाचा खेळ होता. नेहमीप्रमाणे चाहत्यांची गर्दी झाली होती. चित्रपट सुरू झाल्यानंतर काही चाहत्यांनी वेगवेगळे फटाके फोडण्यास सुरुवात केली. रॉकेट्सही सोडले गेले. यामुळे अन्य प्रेक्षकांची धांदल उडाली. जवळपास १० मिनिटे बॉम्ब, रॉकेट्स, फुलझाड व तत्सम फटाक्यांची आतषबाजी सुरू होती. बाल्कनीतील प्रेक्षक शिट्या वाजवून नाचत त्याचे समर्थन करीत होते. या घटनाक्रमाची चित्रफित समाजमाध्यमांवर पसरली आहे.

आणखी वाचा

हेही वाचा : ऐन दिवाळीत हवेतील प्रदूषण मापनात अडथळे; फिरत्या हवा गुणवत्ता निरीक्षण केंद्रापुढे वीज अनुपलब्धतेचे संकट

या घटनेची माहिती मिळताच रात्री साडेअकरा वाजता पोलीस चित्रपटगृहात दाखल झाले. काही वेळात अग्निशमन दलाचा बंबही पोहोचला. गर्दीत संशयितांना ओळखणे अवघड झाले होते. या गोंधळामुळे काही प्रेक्षक आधीच बाहेर पडले होते. हुल्लडबाजी टाळण्यासाठी अखेर खेळ बंद करण्यात आला. या प्रकरणी छावणी पोलीस ठाण्यात अद्याप कुठलीही नोंद झाली नसल्याची माहिती सूत्रांनी दिली. दरम्यान, याच चित्रपटगृहात गेल्या महिन्यात शाहरुख खानच्या चित्रपटावेळी अशीच हुल्लडबाजी प्रेक्षकांनी केली होती.

रविवारी रात्री मोहन चित्रपटगृहात त्याची पुनरावृत्ती झाली. लक्ष्मी पूजनच्या दिवशी म्हणजे रविवारी रात्री या चित्रपटगृहात सलमान खानच्या टायगर तीन या चित्रपटाचा खेळ होता. नेहमीप्रमाणे चाहत्यांची गर्दी झाली होती. चित्रपट सुरू झाल्यानंतर काही चाहत्यांनी वेगवेगळे फटाके फोडण्यास सुरुवात केली. रॉकेट्सही सोडले गेले. यामुळे अन्य प्रेक्षकांची धांदल उडाली. जवळपास १० मिनिटे बॉम्ब, रॉकेट्स, फुलझाड व तत्सम फटाक्यांची आतषबाजी सुरू होती. बाल्कनीतील प्रेक्षक शिट्या वाजवून नाचत त्याचे समर्थन करीत होते. या घटनाक्रमाची चित्रफित समाजमाध्यमांवर पसरली आहे.

आणखी वाचा

हेही वाचा : ऐन दिवाळीत हवेतील प्रदूषण मापनात अडथळे; फिरत्या हवा गुणवत्ता निरीक्षण केंद्रापुढे वीज अनुपलब्धतेचे संकट

या घटनेची माहिती मिळताच रात्री साडेअकरा वाजता पोलीस चित्रपटगृहात दाखल झाले. काही वेळात अग्निशमन दलाचा बंबही पोहोचला. गर्दीत संशयितांना ओळखणे अवघड झाले होते. या गोंधळामुळे काही प्रेक्षक आधीच बाहेर पडले होते. हुल्लडबाजी टाळण्यासाठी अखेर खेळ बंद करण्यात आला. या प्रकरणी छावणी पोलीस ठाण्यात अद्याप कुठलीही नोंद झाली नसल्याची माहिती सूत्रांनी दिली. दरम्यान, याच चित्रपटगृहात गेल्या महिन्यात शाहरुख खानच्या चित्रपटावेळी अशीच हुल्लडबाजी प्रेक्षकांनी केली होती.