नाशिकमध्ये कर्जदारांची मालमत्ता ताब्यात घेत फसवणूक, दोन सावकारांविरोधात गुन्हा; छाप्यात करारनामे, कोरे मुद्रांक, धनादेश जप्त

या तक्रारीची दखल घेत दोन्ही सावकारांच्या घरावर छापे टाकण्यात आले. तेव्हा बेकायदेशीर व्याजाचा धंदा करत असल्याचे निष्पन्न झाले. संशयितांच्या घरझडतीत २००८ पासून बेकायदेशीररित्या व्याजाने पैसे वाटप केल्याचे प्रथमदर्शनी पुढे आले आहे. दोघा सावकारांच्या घरात १२५ ते १५० जणांना मोठ्या रकमेचे वाटप करण्यात आल्याची कागदपत्रे मिळाली. या संदर्भातील ४४ करारनामे, ४४ कोरे मुद्रांक आणि अन्य पाच मुद्रांक, १०७ धनादेश, व्याज व कर्जाच्या नोंद असलेल्या तीन खतावण्या मिळून आल्या. सावकारीचा परवाना नसतांना संबधितांनी कर्जदारांकडून पाच टक्के दराने व्याज घेऊनही बहुतांश कर्जदारांच्या मालमत्ता कवडीमोल दराने हडप करुन कोट्यवधींची फसवणूक केल्याचे तक्रारीत म्हटले आहे. या प्रकरणी गुन्हा दाखल झाला असला तरी सावकारांना अद्याप अटक झाली नसल्याचे पोलिसांकडून सांगण्यात आले.

आणखी वाचा

Crime News : FBIच्या ‘१० मोस्ट वॉन्टेड’ यादीत गुजराती व्यक्तीचं नाव; माहिती देणाऱ्याला मिळणार ‘इतक्या’ डॉलर्सचं बक्षीस

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

सायबर चोरट्यांकडून दोघांची २८ लाखांची फसवणूक

आर्थिक गैरव्यवहाराचे प्रकरण : भावना गवळी यांच्या निकटवर्तीयाची दोषमुक्तीची मागणी फेटाळली

‘खंडणीच्या आड आल्याने देशमुख यांची हत्या’; युक्तिवादात विशेष तपास पथकाचा संशय

नाशिक शहरात घरफोडीचे सत्र, ३० लाखहून अधिकचा ऐवज लंपास

नाशिक अपघातास कारणीभूत तिघांविरुध्द गुन्हा, सळई पुरवठादाराचाही समावेश

बॅलेन्स चेक करताना बँक खातंच रिकामं; काय आहे नवीन ‘Jumped Deposit Scam’?

हेही वाचा : नाशिक जिल्ह्यातील धरणसाठा ३१ टक्क्यांवर

सावकारांचा जाच कायम

सावकाराच्या जाचाला कंटाळून याआधी अनेकांना प्राण गमवावे लागले आहेत. गेल्या वर्षी सातपूरच्या राधाकृष्णनगर भागात राहणाऱ्या शिराेडे कुटुंबातील तिघांनी याच कारणावरून आत्महत्या केली होती. यामध्ये पित्यासह दोन मुलांचा समावेश होता. नाशिक रोड भागात तशीच घटना घडली. सावकारी जाचाला कंटाळून दोन भावांनी विष घेतले होते. त्यातील एकाचा मृत्यू झाला. २०१८ मध्ये खासगी सावकारांच्या बेकायदा वसुलीने त्रस्त झालेल्या सिडकोतील दाम्पत्याने विषारी औषध प्राशन करून आत्महत्या केली होती.