उमेदवारीचा ताण दूर झाल्याने आयपीएल सामने पाहण्यात भुजबळ रममाण…

खुद्द केंद्रीय गृहमंत्री अमित शहा यांनी नांव सुचवूनही नाशिकच्या जागेवर महायुतीला राष्ट्रवादी अजित पवार गटाचे नेते छगन भुजबळ यांना उमेदवारी देता आली नाही. निर्णय घेण्यास उशीर होत असल्याचे कारण देत भुजबळ हे स्वत:च स्पर्धेतून बाजूला झाले. त्यांच्या निर्णयानंतर शिवसेना शिंदे गटाचा मार्ग मोकळा झाल्याचे मानले जात होते. तथापि, भाजपने या जागेवर पुन्हा दावा सांगितल्याने महायुतीतील घोळ कायम आहे. उमेदवाराची घोषणा करण्यात बराच विलंब झाल्यामुळे भाजपही नाराज आहे. भाजपच्या दाव्यामुळे शिवसेना शिंदे गटाच्या गोटात अस्वस्थता आहे. या घडामोडींच्या पार्श्वभूमीवर, मुंबईत माघारीची घोषणा केल्यानंतर छगन भुजबळ हे सोमवारी रात्री प्रथमच नाशिकमध्ये दाखल झाले. प्रवासात ते आयपीएलचे क्रिकेट सामने पाहण्यात मग्न होते. भुजबळ फार्म येथे प्रसारमाध्यमांच्या प्रतिनिधींनी संवाद साधताना त्यांनी राजकीय प्रश्न टाळून टॅबवर आयपीएल क्रिकेट सामन्याचा स्क्रिन दाखवला. सध्या क्रिकेट सामन्याचा आनंद घेऊ द्या, मंगळवारी सविस्तर बोलू असे सांगत त्यांनी फारसे बोलणे टाळले.

आणखी वाचा

IND vs AUS: रोहित शर्मा पहिल्या कसोटीतून बाहेर, BCCIला दिली माहिती; त्याच्या जागी ‘या’ खेळाडूला संघात स्थान मिळणार

महायुतीला सत्ता मिळाली, लाडक्या बहिणींना २१०० रुपये कधीपासून…

Ind vs SA: संजू सॅमसनच्या षटकाराने चाहती घायाळ

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

रणवीर सिंहला ऑफिसमध्ये ३ तास वाट का पाहायला लावली? मुकेश खन्ना म्हणाले, “मी त्याला थांबायला भाग…”

नो अल्कोहोल, ८ तास झोप अन्…; मलायका अरोराने नोव्हेंबर महिन्यात स्वीकारली ‘ही’ आव्हाने, पोस्ट होतेय व्हायरल

निर्मला सीतारामन अर्थसंकल्पाच्या तयारीला, राज्यांच्या अर्थमंत्र्यांची भेट घेणार! जीएसटी परिषदेच्या बैठकीपूर्वी मसलतही विषयपत्रिकेवर

हेही वाचा : नाशिक: व्यापाऱ्यांच्या दबावासमोर प्रशासनाची शरणागती ? तात्पुरता तोडगा काढून बाजार समितीतील लिलाव पूर्ववत

दरम्यान, मंगळवारी सकाळी ११ वाजता अखिल भारतीय महात्मा फुले समता परिषदेच्या नाशिक शाखेतर्फे पदाधिकाऱ्यांची बैठक बोलविण्यात आली आहे. भुजबळ फार्म येथे ही बैठक होईल. त्यात भुजबळ हे सहभागी होणार नसल्याचे सूत्रांकडून सांगण्यात आले. बैठकीत भुजबळ यांना उमेदवारी जाहीर करण्याबाबत झालेला विलंब, अखेरीस घ्यावी लागलेली माघार यावर मुख्यत्वे चर्चा होण्याचा अंदाज आहे.