नाशिक: रामकुंडात पाय घसरुन अभियंता पुरात बेपत्ता, सुरगाण्यात पुरात महिलेचा मृत्यू; काकुस्ते गावात घरांमध्ये पाणी

शनिवारी चाललेल्या संततधारेने रात्रीपासून मुसळधार स्वरुप धारण केले. मागील २४ तासांत सुरगाणा (८८ मिलिमीटर), इगतपुरी (५६), पेठ (९८), त्र्यंबकेश्वर (५९) मिलिमीटर पावसाची नोंद झाली. या एकाच दिवशी जिल्ह्यात सरासरीच्या २०.२ मिलिमीटर पाऊस झाला. रविवारी दिवसभर पावसाचा जोर कायम राहिल्याने जनजीवन विस्कळीत झाले. शहरात अनेक ठिकाणी पाणी साचून वाहतूक कोंडी झाली. गंगापूरमधील विसर्गामुळे गोदावरीची पातळी उंचावली आहे. दुपारी ओझर येथील यग्नेश पवार (२९) हे कुटुंबियांसमवेत पूजाविधीसाठी रामकुंड परिसरात आले होते. नदीत पूजन करत असताना पाय घसरून ते वाहून गेले. जीवरक्षकांकडून बुडालेल्या व्यक्तीचा शोध सुरू आहे. पवार हे महावितरण कंपनीत भुसावळ येथे अभियंता पदावर कार्यरत असल्याची माहिती सूत्रांनी दिली. अशीच एक घटना सुरगाणा तालुक्यात घडली. चिंचदा येथील मंगला बागूल या रात्री नदी पार करत असताना अचानक पाण्याचा लोंढा वाढल्याने त्या वाहून गेल्या. त्यांचा मृतदेह सकाळी नदीकाठावर आढळल्याची माहिती प्रशासनाने दिली.

आणखी वाचा

सतीश वाघ यांची हत्या जुन्या वादातून, पाच लाखांची दिली होती सुपारी – पुणे पोलीस आयुक्त अमितेशकुमार

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

नाशिक : आवक वाढल्याने कांद्याची घसरण

नाशिक विभागात एसटी अपघातांचा उंचावता आलेख; नऊ महिन्यांत बसचे १२० अपघात, २२ जणांचा मृत्यू

नाशिकमध्ये स्थानकात इ बसची थेट नियंत्रण कक्षास धडक… विचित्र अपघातात महिलेचा मृत्यू , तीन जखमी

नाशिकमध्ये युवकाची हत्या, चार संशयित ताब्यात

नाशिक : अंबुपाडा आश्रमशाळेत दहावीच्या विद्यार्थ्यांचे नुकसान

व्यायाम शाळेतून घरी येताच संगणक अभियंत्याचा मृत्यू; कुस्तीगिराच्या मृत्यूच्या दुसऱ्याच दिवशी घटना

हेही वाचा : Jayakwadi Dam: गंगापूर धरणातून प्रथमच विसर्ग, गोदावरी दुथडी भरून; २४ तासांत नाशिकमधून जायकवाडीसाठी पावणेदोन टीएमसी पाणी

अनेक घरांची पडझड

भाम धरणातील विसर्गामुळे इगतपुरी तालुक्यातील काकुस्ते येथील अनेक घरांमध्ये नदी-नाल्याचे पाणी शिरले. खबरदारीचा उपाय म्हणून २० ते २२ लोकांना सुरक्षितस्थळी स्थलांतरीत करण्यात आले. कानडवाडी येथे भीमा पडवळे यांच्या घराची भिंत कोसळली. या घटनेत कुठलीही जिवितहानी झाली नाही. बोर्ली येथे लक्ष्मण भले यांच्या घराची भिंत व कौलारू घराची एक बाजू पडली. देवळा तालुक्यातील वरवंडी येथे लताबाई जाधव यांचे घर जमीनदोस्त झाले. सुरगाणा तालुक्यात पाच घरांचे अंशत: नुकसान झाले असून एक बैल मयत झाला. भुसणी येथेही एका घराची भिंत पडली. त्र्यंबकेश्वर तालुक्यातील आळवंड येथील शारजाबाई देहाडे यांच्या घराची भिंत कोसळली.