नाशिक : संरक्षक भिंतीच्या तारांमध्ये अडकलेल्या बिबट्याची मुक्तता

हेही वाचा…अयोध्येतच नाही, तर महाराष्ट्रातील ‘या’ मंदिरात आहे श्रीरामाची कृष्णवर्णीय मूर्ती; मोदींनीही घेतले आहे दर्शन

बिबट्या कुत्र्याची शिकार घेऊन जात असताना त्यामध्ये अडकला. परिसरातील शेतकऱ्यांना ही बाब लक्षात आल्यावर त्यांनी या घटनेची माहिती वन विभागाला दिली. दिंडोरीचे विभागाचे वनपाल अशोक काळे व कर्मचाऱ्यांनी तातडीने घटनास्थळी धाव घेतली. तारेत अडकलेल्या बिबट्याला सोडविण्यासाठी पथकाने त्याला गुंगीचे इंजेक्शन दिले. बिबट्या बेशुध्द पडल्यानंतर त्याची तारेतून सुटका करण्यात आली. हा बिबट्या तीन वर्षे वयाची मादी असल्याचे वन विभागाने म्हटले आहे. बिबट्याला अधिक उपचारासाठी नाशिक येथील निवारा केंद्रात हलविण्यात आल्याची माहिती वन अधिकारी अधिकारी काळे यांनी दिली आहे.