पुन्हा एकदा नाशिकरोड-व्दारका उड्डाणपूलासाठी पाठपुरावा

हेही वाचा : जल्लोषातून पालकमंत्रिपदावर दावा, भाजपची अजित पवार गटाला शह देण्याची तयारी

आगामी कुंभमेळ्याआधी नाशिकरोड-व्दारका उड्डाणपूल प्रकल्प पूर्ण होण्यासाठी खासदार वाजे आग्रही असून त्याबाबत त्यांनी संसदेच्या पहिल्याच अधिवेशनापासून पाठपुरावा करण्यास सुरुवात केली आहे. हा उड्डाणपूल व्हावा, अशी मागणी १५ वर्षांपासून केली जात आहे. परंतु, सातत्याने ती प्रलंबित राहिली आहे. याआधी शिवसेनेचे माजी खासदार हेमंत गोडसे यांनीही या उड्डाणपुलासंदर्भात पाठपुरावा केला होता. परंतु, कोणतीच कार्यवाही झाली नाही. बुधवारी खासदार वाजे यांनी गडकरी यांची भेट घेत या प्रकल्पाला गती द्यावी, अशी मागणी केली. गडकरी यांनी सकारात्मक प्रतिसाद दिल्याचा दावा वाजे यांच्याकडून करण्यात आला आहे. यासंदर्भात आपण वारंवार गडकरी यांच्याकडे पाठपुरावा करणार असल्याचेही वाजे यांनी नमूद केले.