जळगाव: भडगावात बालिका हत्येचे पडसाद, जमावाची पोलीस वाहनांवर दगडफेक; मूक मोर्चा

जळगाव: भडगाव तालुक्यातील गोंडगाव येथील बालिकेवर अत्याचार करून तिची हत्या करणार्‍या संशयिताला कठोर शिक्षा करावी, या मागणीसाठी शुक्रवारी सकल मराठा समाजासह अन्य समविचारी संघटनांच्या वतीने भडगावात मूक मोर्चा काढण्यात आला. गुरुवारी सायंकाळी पोलिसांनी संशयितास अटक केल्यावर त्यास आपल्या ताब्यात द्यावे, अशी मागणी करीत संतप्त जमावाने पोलीस वाहनावर केलेल्या दगडफेकीत चार पोलीस जखमी झाले होते. जमावाला पांगविण्यासाठी पोलिसांना लाठीमारही करावा लागला.

आणखी वाचा

घरही मिळेना अन् पैसेही मिळेनात! पुण्यातील ग्राहकांचे विकासकांकडे १७७ कोटी अडकले

Malasian Airlines: बेपत्ता MH370 चा शोध; पुण्यातील प्रल्हाद…

कल्याण पूर्वेत बालिका अत्याचार हत्येमधील कुटुंबीयांच्या घरासमोर तरुणांची दहशत; “जामीन झाला नाहीतर एके ४७ बंदूक घेऊन येतो…”

कुंभमेळ्यासंबंधी याचिकांवर आज सुनावणी

सातारा : आईने प्रियकरासोबत मुलाच्या हत्येचा रचलेला कट उधळला

अमरावती : अनैतिक संबंधातून हत्‍या, अपघाताचा बनाव

वसई : डास निर्मूलनासाठी आता रसायनाचा वापर, डासांचा प्रभाव असलेली ९९ ठिकाणी निश्चित

डोंबिवलीत इमारतीच्या चौथ्या माळ्यावरून पडून बालिकेचा मृत्यू, विकासकावर गुन्हा दाखल करण्याची मागणी

आणखी वाचा-नाशिक मनपाची सिटीलिंक बस सेवा पुन्हा ठप्प

गोंडगाव येथील अल्पवयीन मुलगी ३० जुलैला बेपत्ता झाल्याची तक्रार पोलीस ठाण्यात दाखल करण्यात आली होती. तिचा मृतदेह एक ऑगस्टला घरानजीकच्या गोठ्यातील कडबा कुट्टीत मिळून आला. पीडित मुलीच्या घराजवळ राहणाऱ्या स्वप्नील ऊर्फ सोन्या पाटील (१९) याने हे कृत्य केल्याचे उघड झाल्यानंतर त्याच्याविरुद्ध गुन्हा दाखल करण्यात आला. त्याला घटनाक्रम समजून घेण्यासाठी गुरुवारी सायंकाळी गोंडगाव येथे नेण्यात आले असता संतप्त ग्रामस्थांनी चाळीसगाव शहर वाहतूक शाखेच्या मोटारीवर दगडफेक केली. त्यात भडगाव पोलीस ठाण्याचे हवालदार नितीन रावते, विलास पाटील (भडगाव), चाळीसगाव शहर वाहतूक शाखेचे दीपक पाटील, प्रकाश पाटील हे जखमी झाले. त्यानंतर जमावाला पांगविण्यासाठी लाठीमार करावा लागला होता. बंदोबस्तात वाढ करण्यात आली. दरम्यान, संशयिताला कठोर शिक्षेच्या मागणीसाठी शुक्रवारी भडगावात मोर्चा काढण्यात आला.