जळगाव : जिल्हा बँक अध्यक्षपदाचा देवकर यांचा राजीनामा

देवकर म्हणाले की, सुरुवातीला माझ्या राजीनामा देण्यास कार्यकर्त्यांमध्ये कमालीची तीव्र भावना होती. मी अगोदर सोमवारी राजीनामा देणार होतो. मात्र, कार्यकर्त्यांच्या भावना लक्षात घेऊन, सोमवारी मी प्रचारावेळी सहकार्य केलेल्या कार्यकर्त्यांशी संवाद साधला. त्यांच्याशी चर्चाही केली. त्यानंतर निर्णय घेत आणि ठरलेल्या निर्णयानुसार मंगळवारी सकाळी राजीनामा दिला असल्याचे त्यांनी सांगितले. अध्यक्षपदाच्या कार्यकाळात केलेल्या कामांविषयी देवकर म्हणाले की, माझ्या काळात संचित तोटा व एनपीए कमी करण्याबाबत मोठे निर्णय घेतले. बँकेचे हित पाहिले. माझ्या एक वर्ष कार्यकाळात चांगल्या पद्धतीने काम करण्याचा प्रयत्न राहिला. बँकेला ९७ कोटींचा संचित तोटा आहे. तसेच २०२० पर्यंत पन्नास टक्क्यांपर्यंत एनपीए होता. याचे आव्हान आमच्यासमोर होते. ते आव्हान समोर ठेवून आम्ही कामाला लागतो. संचालक मंडळाच्या सहकार्याने आम्ही कामाला सुरुवात केली. त्यात प्रामुख्याने जे. टी. महाजन सूतगिरणी विक्रीसाठी अनेकदा निविदा काढण्यात आल्या होत्या. मात्र, सूतगिरणी विक्री केली जात नव्हती. माझ्या कार्यकाळात ती विक्री करण्यात आली. ऑनलाइन निविदा काढून ती विक्री झाली. त्यातून बँकेचे सुमारे साडेसात कोटी रुपये वसूल झाले. त्याच पद्धतीने मधुकर सहकारी साखर कारखानाही तीन ते चार वर्षांपासून बंद होता. तोही विक्री करण्याचा आम्ही घेतला. त्याचीही विक्रीही झाली आहे. विक्रीपोटी आतापर्यंत पंचवीस टक्के रक्कम भरण्यात आली आहे. अजून ७५ टक्के रक्कम नऊ फेब्रुवारीपर्यंत ते भरणार आहेत. ती सुमारे ६३ कोटींची रक्कम बँकेच्या नफ्यामध्ये जमा होणार आहे. अर्थात ६३ कोटी आणि साडेसात कोटी असे सुमारे साडेसत्तर कोटी रुपये बँकेच्या नफ्यामध्ये अर्थात संचित तोट्यात जमा होतील.

आणखी वाचा

Raj Thackeray : ‘सत्तेत जायचा फॉर्म्युला काय?’ राज ठाकरे म्हणाले, “या निवडणुकीत..”

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

ट्रम्प यांच्या हत्येचा कट इराणनेच रचला होता? या संदर्भात अटक झालेला फरहाद शकेरी कोण आहे?

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

बाळासाहेबांनी कमावलेले सर्व उद्धव ठाकरेंनी गमावले; अमित शहा यांचा हल्लाबोल

नवरा माझा नवसाचा २’ने थिएटरमध्ये ५० दिवस पूर्ण केल्यानंतर श्रियाची सचिन पिळगांवकरांसाठी खास पोस्ट; म्हणाली, “रॉकस्टार मला…”

भोसरी राजकारण तापलं; महेश लांडगेंच्या तंबीला अजित गव्हाणेंचे प्रत्युत्तर, म्हणाले “पराभवाच्या छायेतून…”

हेही वाचा – कायद्यानुसार सत्यजित तांबे यांना अपक्षच राहावे लागणार

हेही वाचा – नाशिक : आचारसंहितेचे सावट हटल्यानंतर निधी खर्चाची कसरत

आता बँकेच्या संचित तोट्यात फक्त सत्तावीस कोटी शिल्लक राहतील. मात्र, येत्या मार्चपर्यंत हा संचित तोटा भरून निघण्याचा माझा अंदाज आहे. संचालक मंडळाच्या सहकार्याने ही मोठी कामे माझ्या कार्यकाळात झाली आहेत. त्याच पद्धतीने वसंत सहकारी साखर कारखानासुद्धा विक्रीचा निर्णय आम्ही घेत आहोत. ज्या काही न्यायालयीन बाबी आहेत, त्या काही बाबीची पूर्तताही आम्ही केली आहे. अजूनही काही थोड्या त्रुटी राहिल्या आहेत, त्याबाबत कार्यवाही केली जात आहे. हा वसंत कारखानाही विकला जाणार आहे. कारखाना विकल्यानंतर चाळीस ते पन्नास कोटी बँकेच्या संचित तोट्यात जमा होतील. या कामांतून बँकेचा संचित तोटा भरून निघू शकतो. मागील वर्षात बँकेचा एनपीए पन्नास टक्क्यांवरून ४५ टक्क्यांवर आणला होता. अजूनही हा कारखाना विकल्यानंतर पाच ते सात टक्क्यांनी एनपीए कमी होऊ शकतो. या माध्यमातून बँकेचा एनपीए व संचित तोटाही कमी होतो आहे. सध्या बँक ब वर्गामध्ये आहे, ती अ वर्गामध्ये येण्यासाठी हे सर्व कामे आम्ही केली. त्याचा फायदाही होणार आहे, असेही देवकर यांनी सांगितले.