नाशिक: खंडणी प्रकरणी पत्रकाराला अटक

नाशिक: बदनामीकारक बातमी देण्याची धमकी देत जिल्हा मध्यवर्ती बँकेच्या माजी संचालकाकडून ६० हजाराची खंडणी उकळल्या प्रकरणी स्थानिक वृत्त वाहिनीच्या पत्रकाराला पोलिसांनी अटक केली आहे.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

बाबा सिद्दीकी हत्या प्रकरण : आकाशदीप गिलला पंजाबमधून अटक

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

चीन, नेपाळमधून सायबर फसवणूक करणाऱ्या टोळीचा पर्दाफाश

निवडणुकीच्या धामधुमीत ९९ आरोपी तडीपार…गेल्या १० वर्षात पहिल्यांंदाच…

कल्पेश लचके (तांबे बिल्डींग, मखमलाबाद नाका) असे अटक केलेल्या संशयित पत्रकाराचे नाव आहे. याबाबत गणपतराव पाटील (जऊळके वणी, दिंडोरी) यांनी तक्रार दिली. पाटील हे जिल्हा मध्यवर्ती बँकेचे माजी संचालक आहेत. संशयित कल्पेश हा लोकशाही वृत्त वाहिनीचा पत्रकार असल्याचे सांगितले जाते. संशयिताने पाटील यांच्याशी संपर्क साधून त्यांना मखमलाबाद नाका येथील आपल्या लोकशाही वृत्त वाहिनीच्या कार्यालयात बोलावून घेतले.

हेही वाचा… जनस्थानचे आयकॉन पुरस्कार जाहीर; अनिल दैठणकर, आनंद ढाकिफळे, सुरेश गायधनी, चिन्मय उदगीरकर यांचा समावेश

भोई नावाच्या व्यक्तीने एका बँकेतून घेतलेल्या कर्जाबाबत तक्रार केल्याचे सांगितले. या संदर्भात लाचलुचपत प्रतिबंधक विभागाकडे तक्रार केली जाईल तसेच याबाबतची बातमी पेपरला देणार असल्याचे धमकावले. हे प्रकरण मिटविण्यासाठी ८० हजार रुपयांची मागणी त्याने केली. तडजोडीअंती ६० हजार रुपयांची खंडणी देण्यास भाग पाडल्याचे तक्रारीत म्हटले आहे.

हेही वाचा… नाशिक: शाळा इमारत बदलल्याने पालकांचा ठिय्या; संस्थेकडून चर्चेचा मार्ग

या प्रकरणी पंचवटी पोलीस ठाण्यात संशयित पत्रकार लचके विरोधात खंडणीचा गुन्हा दाखल करण्यात आला आहे. पोलिसांनी त्याला अटक केल्याची माहिती सूत्रांनी दिली. दरम्यान, अलीकडेच कथित पर्यावरणप्रेमी दीपक जाधव याच्या विरोधात गंगापूर पोलीस ठाण्यात खंडणीचा गुन्हा दाखल झाला होता. शहरात परवानगीनुसार वृक्षतोड करण्याचा ठेका घेतलेल्या ठेकेदारास मनपाकडे ऑनलाईन तक्रार न करण्यासाठी संशयिताने दरमहा २० हजार रुपयांची खंडणी मागितली होती. महत्वाची बाब म्हणजे, संशयिताने याबाबतची नोटरी केली होती.