संविधानाविषयीच्या पुस्तकातून काँग्रेसची पोलखोल – किरेन रिजिजू यांचा दावा

विधानसभा निवडणुकीच्या पार्श्वभूमीवर, नाशिक दौऱ्यावर आलेल्या रिजिजू यांनी प्रसारमाध्यमांशी संवाद साधला. देशात १९४९ मध्ये संविधान स्वीकारले गेले. परंतु, काँग्रेसला ते लक्षात राहिले नाही. नरेंद्र मोदी पंतप्रधान झाल्यानंतर २६ नोव्हेंबर हा दिवस संविधान दिवस म्हणून साजरा होऊ लागल्याकडे त्यांनी लक्ष वेधले. निवडणुकीत काँग्रेसने बाबासाहेब आंबेडकर यांना विजयी होऊ दिले नव्हते. इंदिरा गांधी पंतप्रधान असताना त्यांनी घटनेची प्रस्तावना बदलली. आता मात्र काँग्रेसला घटनेचा खोटा कळवळा आला असून संविधानाच्या बनावट प्रति दाखवून लोकांची दिशाभूल करण्याचा प्रयत्न केला जात असल्याचे रिजिजू यांनी सांगितले. शिवसेनाप्रमुख बाळासाहेब ठाकरे यांचे धोरण हिंदुत्वाला पोषक असे होते. आता मात्र त्यांचे पुत्र उद्धव ठाकरे यांनी अल्पसंख्याकांच्या लांगुलचालनाचे धोरण स्वीकारले. देशासाठी अपार कष्ट सोसणाऱ्या स्वातंत्र्यवीर सावरकर यांचा अपमान राहुल गांधी सातत्याने करतात. त्यांच्याच सहकार्याने उद्धव ठाकरे यांची शिवसेना निवडणूक लढवित असून हे खेदजनक असल्याचे त्यांनी नमूद केले.

आणखी वाचा

संविधानभान : महाराष्ट्र आणि गुजरातसाठी विशेष तरतुदी

Madhuri Dixit : डर चित्रपट माधुरी दीक्षितने का…

“संविधानाची विटंबना करण्याचे धाडस होतेच कसे,” नाना पटोले यांची टीका; म्हणाले…

संविधानभान : पूल, भिंत की बोगदा?

चतु:सूत्र : संविधाननिर्मितीचे श्रेय कोणाला?

संविधानभान : अनुच्छेद ३७० मध्ये नेमके काय होते?

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

विश्लेषण : सरकारला व्याघ्रप्रकल्प नको आहेत का?

हेही वाचा >>>सत्यशोधक कम्युनिस्ट नेते सुभाष काकुस्ते यांचे निधन

एअरबसचा प्रकल्प गुजरातला पळवून नेण्यात आल्याचा आरोप खासदार संजय राऊत यांनी केल्यासंदर्भात रिजिजू यांनी ते काहीही बोलत असतात, संसदेत आम्ही त्यांना गांभिर्याने घेत नसल्याचे सांगितले. आज सर्वाधिक गुंतवणूक महाराष्ट्रात होत असल्याचा दावाही त्यांनी केला. प्रादेशिक विचार करणे योग्य नाही. कोणत्याही भागात विकास झाला तरी भारतीय म्हणून अभिमान वाटायला हवा. मोदींसारखे पंतप्रधान जगात कोणत्याही देशाला मिळाले नसल्याचा दावा त्यांनी केला.