जळगाव: कोतवालसह खासगी व्यक्तीला लाच घेताना अटक

सातबारा उतार्‍यावर शेतीची नोंद लावण्यासाठी मंडळ अधिकार्‍यांच्या नावाने १२ हजारांची लाच मागून ती स्वीकारणार्‍या कोतवालासह खासगी व्यक्तीला लाचलुचपत प्रतिबंधक विभागाच्या पथकाने मंगळवारी दुपारी अटक केली. भुसावळ येथे हा प्रकार घडलातक्रारदारांनी २०२२ मध्ये कुर्‍हे पानाचे (ता. भुसावळ) येथे स्वतःच्या नावे दोन एकर शेतजमीन विकत घेतली. या शेतजमिनीच्या सातबारा उतार्‍यावर नाव लावण्यासाठी त्यांनी तलाठी कार्यालयात प्रकरण सादर केले होते. त्यात भुसावळ मंडळ अधिकारी योगिता पाटील यांनी त्रुटी काढून तक्रारदारांना भुसावळ तहसील कार्यालयाचे कोतवाल रवींद्र धांडे (५४, रा. भुसावळ) यांना भेटण्यास सांगितले. त्याप्रमाणे तक्रारदारांनी कोतवाल धांडे यांची भेट घेतली.