लोकसत्ता प्रतिनिधी
नाशिक : म्हसरूळ येथील वन्यजीव अपंगालयात महिनाभराच्या उपचारानंतर क्षत्रबालक या पक्ष्यास छत्रपती संभाजीनगर येथील नैसर्गिक अधिवासात सोडण्यात आले.
जुलै महिन्यात छत्रपती संभाजीनगर वनविभागातील दौलताबाद येथे क्षत्रबालक हा पक्षी जखमी अवस्थेत वनविभागाच्या कर्मचाऱ्यांना दिसला. त्याची प्राथमिक वैद्यकीय तपासणी करुन छत्रपती संभाजीनगर वनविभागाने नाशिक येथील पश्चिम वनविभागातील वन्यजीव अपंगालय येथे त्यास उपचारासाठी दाखल केले. या ठिकाणी वनपरिक्षेत्र अधिकारी सीमा मुसळे, उपवनसंरक्षक पंकज गर्ग यांच्या मार्गदर्शनाखाली जखमी क्षत्रबालक याच्यावर हेमराज सुखलाल यांनी उपचार सुरु केले. त्याला रक्ताची आणि लोहाची कमतरता असल्याचे आढळले. पक्षी अशक्त असल्याने त्याला उडता न आल्याने तो जखमी झाल्याचे निदान काढण्यात आले.
आणखी वाचा-मुसळधार पावसातही कोरड्या धरणाची कथा…
कोठेतरी धडकल्याने पंखांमधील हवेची पिशवी फुटल्याने त्याला उडता येत नव्हते. त्याच्यावर औषधोपचार केल्यानंतर महिनाभरानंतर त्याची उडण्याची चाचणी करुन छत्रपती संभाजीनगर परिसरातील नैसर्गिक अधिवासात सोडण्यात आले. त्या ठिकाणी मादी त्याची वाट पाहत होती. दोघे एकत्र हवेत उडाल्याने वन विभागाचे अधिकारी, कर्मचाऱ्यांनी समाधान व्यक्त केले.
नाशिक : म्हसरूळ येथील वन्यजीव अपंगालयात महिनाभराच्या उपचारानंतर क्षत्रबालक या पक्ष्यास छत्रपती संभाजीनगर येथील नैसर्गिक अधिवासात सोडण्यात आले.
जुलै महिन्यात छत्रपती संभाजीनगर वनविभागातील दौलताबाद येथे क्षत्रबालक हा पक्षी जखमी अवस्थेत वनविभागाच्या कर्मचाऱ्यांना दिसला. त्याची प्राथमिक वैद्यकीय तपासणी करुन छत्रपती संभाजीनगर वनविभागाने नाशिक येथील पश्चिम वनविभागातील वन्यजीव अपंगालय येथे त्यास उपचारासाठी दाखल केले. या ठिकाणी वनपरिक्षेत्र अधिकारी सीमा मुसळे, उपवनसंरक्षक पंकज गर्ग यांच्या मार्गदर्शनाखाली जखमी क्षत्रबालक याच्यावर हेमराज सुखलाल यांनी उपचार सुरु केले. त्याला रक्ताची आणि लोहाची कमतरता असल्याचे आढळले. पक्षी अशक्त असल्याने त्याला उडता न आल्याने तो जखमी झाल्याचे निदान काढण्यात आले.
आणखी वाचा-मुसळधार पावसातही कोरड्या धरणाची कथा…
कोठेतरी धडकल्याने पंखांमधील हवेची पिशवी फुटल्याने त्याला उडता येत नव्हते. त्याच्यावर औषधोपचार केल्यानंतर महिनाभरानंतर त्याची उडण्याची चाचणी करुन छत्रपती संभाजीनगर परिसरातील नैसर्गिक अधिवासात सोडण्यात आले. त्या ठिकाणी मादी त्याची वाट पाहत होती. दोघे एकत्र हवेत उडाल्याने वन विभागाचे अधिकारी, कर्मचाऱ्यांनी समाधान व्यक्त केले.
