लोकसत्ता प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नाशिक : दिंडोरी तालुक्यातील मोहाडी येथील शेतात १० वर्षांपूर्वी हरवलेली सोन्याची अंगठी मजुरांना कांदे लागवड करताना सापडली. अंगठीचा कोणताही लोभ न धरता मजूर महिलांनी अंगठी शेतमालकास परत केली.
विविध कार्यकारी संस्थेचे उपाध्यक्ष उमेश जाधव यांची सोन्याची अंगठी १० वर्षांपूर्वी शेताला पाणी देत असताना हरवली. जाधव कुटूंबियांनी त्या अंगठीचा दोन महिने शोध घेतला. परंतु, अंगठी सापडली नाही. नंतर जाधव कुटूंब त्यांच्या नेहमीच्या कामात मग्न राहिले. सध्या जाधव यांच्या शेतात कांदे लागवड सुरू आहे. या कामासाठी असलेल्या मजूर महिलांपैकी पुष्पा पवार यांच्या विळीच्या टोकाला काहीतरी अडकले. सोन्याची अंगठी अडकल्याचे त्यांच्या लक्षात येताच त्यांनी शकुंतला चारोस्कर, जनाबाई माळी, जनाबाई चारोस्कर, ऋतुजा गांगुर्डे, उषा पवार, पूजा चारोस्कर या इतर मजूर महिलांना अंगठी दाखवून ती शेतमालकाच्याच कुटूंबातील असल्याचा अंदाज करून त्यांच्याकडे परत केली. आजच्या बाजारभावानुसार अंगठीची किंमत सुमारे ८० हजार रुपये आर्थिक परिस्थिती हलाखीची असतानाही फुकटचे काही नको, ही वृत्ती कष्टकरी महिलांनी दाखवून अंगठी परत केली.
आणखी वाचा-नाशिक : शेतकऱ्यांच्या मदतीला आता बळीराजा मदतवाहिनी; फसवणुकीच्या ९०० पेक्षा अधिक तक्रारी
१० वर्षांपूर्वी हरवलेली अंगठी सापडल्यामुळे जाधव कुटूंबाने आनंद व्यक्त करून मजूर महिलांना बक्षीस देऊ केले. परंतु, त्यांनी ते नाकारले. तरीही उमेश जाधव यांच्या पत्नीने साडी चोळी भेट देऊन त्यांचा सन्मान केला. किरकोळ दानधर्म करतानाही मोठी प्रसिध्दी करणारे अनेक जण समाजात आहेत. दुसरीकडे असेही काही जण आहेत, जे प्रसिद्धीची कुठलीही अपेक्षा न ठेवता आयुष्यभर लोकांना मदत करत असतात. थोडाफार पैसा आला की नीतीमत्ता ढासळते, अशी अनेक उदाहरणे समाजात दिसतात. एखाद्याची थोडी प्रगती झाली तर त्याचा हव्यास अधिक वाढतो. अशी मंडळी नीतीमत्ता सोडून गरिबांना फसविण्याचे प्रकार करु लागतात. असे काही लोक आजकाल गावोगावी झाले असताना त्यांना आरसा दाखवण्याचे काम या मोलमजुरी करणाऱ्या महिलांनी त्यांच्या कृतीतून केले,अशी प्रतिक्रिया नागरिकांकडून व्यक्त होत आहे.
अडलेल्या नडलेल्याला वेळप्रसंगी थोडीशी मदत गरिबांना फसवून टाळुवरचे लोणी खाऊन प्रगतिशील झालेले भामटे एका बाजूला समाजात असताना सोन्याची अंगठी सापडल्यानंतरही कोणताही हव्यास मनात न आणता मजूर महिलांनी त्यांच्या वागणुकीतून आदर्श ठेवला आहे.
नाशिक : दिंडोरी तालुक्यातील मोहाडी येथील शेतात १० वर्षांपूर्वी हरवलेली सोन्याची अंगठी मजुरांना कांदे लागवड करताना सापडली. अंगठीचा कोणताही लोभ न धरता मजूर महिलांनी अंगठी शेतमालकास परत केली.
विविध कार्यकारी संस्थेचे उपाध्यक्ष उमेश जाधव यांची सोन्याची अंगठी १० वर्षांपूर्वी शेताला पाणी देत असताना हरवली. जाधव कुटूंबियांनी त्या अंगठीचा दोन महिने शोध घेतला. परंतु, अंगठी सापडली नाही. नंतर जाधव कुटूंब त्यांच्या नेहमीच्या कामात मग्न राहिले. सध्या जाधव यांच्या शेतात कांदे लागवड सुरू आहे. या कामासाठी असलेल्या मजूर महिलांपैकी पुष्पा पवार यांच्या विळीच्या टोकाला काहीतरी अडकले. सोन्याची अंगठी अडकल्याचे त्यांच्या लक्षात येताच त्यांनी शकुंतला चारोस्कर, जनाबाई माळी, जनाबाई चारोस्कर, ऋतुजा गांगुर्डे, उषा पवार, पूजा चारोस्कर या इतर मजूर महिलांना अंगठी दाखवून ती शेतमालकाच्याच कुटूंबातील असल्याचा अंदाज करून त्यांच्याकडे परत केली. आजच्या बाजारभावानुसार अंगठीची किंमत सुमारे ८० हजार रुपये आर्थिक परिस्थिती हलाखीची असतानाही फुकटचे काही नको, ही वृत्ती कष्टकरी महिलांनी दाखवून अंगठी परत केली.
आणखी वाचा-नाशिक : शेतकऱ्यांच्या मदतीला आता बळीराजा मदतवाहिनी; फसवणुकीच्या ९०० पेक्षा अधिक तक्रारी
१० वर्षांपूर्वी हरवलेली अंगठी सापडल्यामुळे जाधव कुटूंबाने आनंद व्यक्त करून मजूर महिलांना बक्षीस देऊ केले. परंतु, त्यांनी ते नाकारले. तरीही उमेश जाधव यांच्या पत्नीने साडी चोळी भेट देऊन त्यांचा सन्मान केला. किरकोळ दानधर्म करतानाही मोठी प्रसिध्दी करणारे अनेक जण समाजात आहेत. दुसरीकडे असेही काही जण आहेत, जे प्रसिद्धीची कुठलीही अपेक्षा न ठेवता आयुष्यभर लोकांना मदत करत असतात. थोडाफार पैसा आला की नीतीमत्ता ढासळते, अशी अनेक उदाहरणे समाजात दिसतात. एखाद्याची थोडी प्रगती झाली तर त्याचा हव्यास अधिक वाढतो. अशी मंडळी नीतीमत्ता सोडून गरिबांना फसविण्याचे प्रकार करु लागतात. असे काही लोक आजकाल गावोगावी झाले असताना त्यांना आरसा दाखवण्याचे काम या मोलमजुरी करणाऱ्या महिलांनी त्यांच्या कृतीतून केले,अशी प्रतिक्रिया नागरिकांकडून व्यक्त होत आहे.
अडलेल्या नडलेल्याला वेळप्रसंगी थोडीशी मदत गरिबांना फसवून टाळुवरचे लोणी खाऊन प्रगतिशील झालेले भामटे एका बाजूला समाजात असताना सोन्याची अंगठी सापडल्यानंतरही कोणताही हव्यास मनात न आणता मजूर महिलांनी त्यांच्या वागणुकीतून आदर्श ठेवला आहे.
