अरे, बापरे…रुग्णालयात बिबट्या, शहाद्यात तीन तासानंतर बिबट्याला पकडण्यात यश

एका सफाई कर्मचाऱ्याला बिबट्या दिसल्यानंतर रुग्णालयातील मागच्या भागात त्याला अडकवून ठेवण्यात प्रशासनाला यश आले. यानंतर रुग्णालय प्रशासनाने तत्परता दाखवत रुग्णालयातील बाकीची प्रवेशद्वारे बंद करुन बिबट्याला एकाच खोलीत रोखले. या घटनेबाबत पोलीस आणि वनविभाग यांना माहिती मिळाल्यानंतर ते घटनास्थळी दाखल होवून त्यांनी बिबट्याला जेरबंद करण्यासाठी प्रयत्न सुरु केले. सुमारे तीन तासाच्या प्रयत्नानंतर बिबट्याला कुठलेही बेशुद्धीचे इंजेक्शन न देता पिंजऱ्यात अडकविण्यात यश आले.