सुरगाण्यात दोन बिबट्यांच्या वर्चस्ववाद लढाईत एकाचा मृत्यू

हेही वाचा >>> जळगाव जिल्ह्यातील मोटार अपघातात दोन जणांचा मृत्यू

नाशिक पूर्वचे उपवनसंरक्षक कृष्णा भंवर, सहायक उपवनसंरक्षक उमेश वाघ, वनपरिक्षेत्र अधिकारी विजय वेलकर यांनी घटनास्थळी दाखल होत पाहणी केली. दोन बिबट्यांच्या पावलांचे ठसे आढळून आले. जंगलात वन्यजीव यांच्या अधिवासाच्या हद्दी ठरलेल्या असतात. दोन नर बिबटे समोरासमोर आले असावेत आणि दोघांमध्ये भांडण झाले असावे. आपल्या अधिवास हद्दीत दुसऱ्याने प्रवेश केल्याने प्रथमदर्शनी वन्यजीव अधिवास वर्चस्ववादी लढाईत सहा महिने वयाच्या बिबट्याचा मृत्यू झाला असावा, असा अंदाज सुरगाणा वनपरिक्षेत्र अधिकारी विजय वेलकर यांनी व्यक्त केला. घटनास्थळी पंचनामा झाल्यावर शवविच्छेदन करण्यात आले. शवविच्छेदन अहवालानंतरच नेमका मृत्यू कशामुळे झाला हे समजू शकणार आहे. दरम्यान, खोकरविहीर, तातापाणी, पिंपळसोंड, सोनगीर, कुकूडणे, रघतविहीर, मांधा, खुंटविहीर, करंजुल, हडकाईचोंड, केम पर्वत या जंगलातील भागात बिबट्यांचा वावर वाढला आहे.