नाशिक : लाल वादळाची मुंबईच्या दिशेने आगेकूच; माकप, किसान सभेसह समविचारी संघटनांचा मोर्चा | March of like minded organizations including CPI (M) Kisan Sabha reach nashik

शेतमालाला भाव मिळत नसल्याचा निषेध व्यक्त करण्यासाठी मोर्चेकऱ्यांनी शहरातील बस स्थानकासमोर रस्त्यावर भाजीपाला फेकला.

नाशिक : लाल वादळाची मुंबईच्या दिशेने आगेकूच; माकप, किसान सभेसह समविचारी संघटनांचा मोर्चा (छायाचित्र - लोकसत्ता टीम)

नाशिक – शेतमालाला अत्यल्प भाव, वनजमिनींचा प्रश्न, गॅस दरवाढ यासह अन्य मागण्यांकडे लक्ष वेधण्यासाठी मार्क्सवादी कम्युनिस्ट पक्ष, किसान सभा आणि समविचारी संघटनांच्या वतीने मुंबईत विधान भवनावर धडक देण्यासाठी रविवारी दिंडोरी येथून निघालेला मोर्चा सोमवारी शहरात पोहोचला. शेतमालाला भाव मिळत नसल्याचा निषेध व्यक्त करण्यासाठी मोर्चेकऱ्यांनी शहरातील बस स्थानकासमोर रस्त्यावर भाजीपाला फेकला.

संपूर्ण राज्यात शेतकरी, शेतमजूर, कामगार, कर्मचारी, श्रमिकांवर जीवघेणी परिस्थिती ओढावली आहे. सरकारच्या श्रमिकविरोधी व भांडवलशाही धार्जिण्या धोरणांमुळे शेती मालाचे भाव कोसळत आहेत. आदिवासी बांधवांना आजही मूलभूत हक्कांसाठी संघर्ष करावा लागत आहे. याचा जाब विचारण्यासाठी माकप तसेच समविचारी संघटनांच्या वतीने मोर्चा काढण्यात आला आहे. रविवारी दिंडोरीपासून निघालेला मोर्चा सोमवारी नाशिक शहरात येऊन पोहोचला. मोर्चेकरी पंचवटीतील निमाणी बस स्थानक परिसरात आले असता कांदा, टोमॅटो, कोथिंबिर, वांगे आदी भाजीपाला रस्त्यावर फेकत संताप व्यक्त करण्यात आला. जिल्हाधिकारी गंगाथरण डी. यांनी आंदोलकांची भेट घेत संवाद साधला. पालकमंत्री दादा भुसे यांनीदेखील आंदोलकांना समजाविण्याचा प्रयत्न केला. परंतु, आंदोलक आपल्या भूमिकेवर ठाम असून त्यांनी विधानभवनाला घेराव घालण्यासाठी मुंबईच्या दिशेने मार्गक्रमण करण्याचा निर्धार व्यक्त केला.

आणखी वाचा

nashik municipal corporation taken steps towards making water from borewells available in certain locations

नाशिक शहरात विंधन विहिरींतील पाण्याचा पर्याय; टंचाई निवारणार्थ महापालिकेची व्यवस्था

nana patekar reacts on allu arjun arrest

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

सोलापूर : ज्वारीच्या कोठारात यंदा ज्वारीचा पेरा निम्म्यावर, लांबलेल्या पावसाचा परिणाम

centre attempts to revive farm reforms unveils draft policy

शेतीमालाच्या विक्री धोरणाबाबत केंद्राची पुन्हा घाई; सूचना, हरकतींसाठी वेळ वाढवून देण्याची मागणी

Onion prices fall due to increased production

नाशिक : आवक वाढल्याने कांद्याची घसरण

Saket Bridge, Mumbai Nashik Traffic, Road Widening,

मुंबई-नाशिक मार्गावर पुढील तीन महिने कोंडीचे, साकेत पुलाजवळील मुख्य रस्त्याच्या रुंदीकरणास सुरूवात

price of potatoes increased up to rs 10 per kg due to supply restrictions from west bengal

उत्तरेत ऐन थंडीत बटाटा तापला; पश्चिम बंगालने राज्याबाहेर बटाटा, कांदा विक्री, वाहतुकीस घातली बंदी

mercury in nashik drops 9 4 degrees celsius

नाशिकमध्ये थंडीचे पुनरागमन; पारा ९.४ अंशावर

हेही वाचा – VIDEO : येवल्यात रंगपंचमीनिमित्त रंगांच्या सामन्यांचा उत्साह

माजी आमदार जिवा पांडू गावित यांच्याशी केंद्रीय आरोग्य राज्यमंत्री डॉ. भारती पवार, पालकमंत्री भुसे यांनी संपर्क साधला. मात्र मुख्यमंत्री, उपमुख्यमंत्री यांच्यासह मंत्रिमंडळात मागण्यांबाबत निर्णय झाल्याशिवाय हा मोर्चा थांबणार नाही, असे गावित यांनी स्पष्ट केले.

हेही वाचा – धुळे : धावत्या मालमोटारीला आग; चिकू, द्राक्षांचे नुकसान

मोर्चेकऱ्यांच्या मागण्या

कांद्याला उत्पादन खर्चावर आधारीत किमान आधारभूत भाव देण्याचे धोरण जाहीर करावे.
कर्जमाफ करून शेतकऱ्यांचा सातबारा कोरा करावा.
नैसर्गिक आपत्तीत झालेल्या पिकांच्या नुकसानीची भरपाई एन.डी.आर.एफ. मधून तत्काळ द्यावी.
वाढत्या महागाईमुळे प्रधानमंत्री आवास योजनेचे अनुदान एक लाख ४० हजारांवरून ५ लाख रुपये करावे, आदी प्रमुख मागण्या करण्यात आल्या.

First published on: 13-03-2023 at 17:27 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: March of like minded organizations including cpi m kisan sabha reach nashik ssb