दत्तक नाशिक परत करा ; मनसेचे संदीप देशपांडे यांची मागणी

आगामी महापालिका निवडणुकीच्या पार्श्वभूमीवर शनिवारी मनसे नेते संदीप देशपांडे, संदीप जाधव यांनी शहरातील विभाग अध्यक्ष, शाखा अधिकारी यांच्या बैठका घेत येथील परिस्थिती जाणून घेतली. निवडणुकीच्या अनुषंगाने पक्ष पातळीवर काय काम सुरू आहे, याची चाचपणी करण्यात आली. यावेळी देशपांडे यांनी मनसे पदाधिकाऱ्यांशी चर्चा केली. यावेळी अनेकांनी पाच वर्षापूर्वी महापालिका निवडणुकीच्या पार्श्वभूमीवर तत्कालीन मुख्यमंत्री देवेंद्र फडणवीस यांनी नाशिक दत्तक द्या, अशी साद घातली होती, याची आठवण सांगितली. नाशिककरांनी मूल दत्तक दिले. परंतु, या दत्तक मुलाचे लाड झालेच नाहीत. उलट ते बिघडले. असा सूर बैठकीत उमटला. या पार्श्वभूमीवर आमचं दत्तक मूल परत करा, अशी उपरोधिक मागणी देशपांडे यांनी केली. दत्तक मूल आम्हाला परत करा. याआधी राज साहेबांनी ज्या पध्दतीने नाशिकचे संगोपन केले. त्याच धर्तीवर शहराचा पुन्हा विकास केला जाईल, असे देशपांडे यांनी नमूद केले. कार्यकर्ते, पदाधिकाऱ्यांसमवेत झालेल्या बैठकीचा अहवाल पक्ष प्रमुखांना देण्यात येणार असून त्यानुसार पुढील नियोजन होईल, असे देशपांडे यांनी सांगितले.

आणखी वाचा

नाशिक : जिल्ह्यात शंभर दिवसांसाठी क्षयरोग जागृती मोहीम

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

म्हाडाच्या नाशिक मंडळाचे मुख्य अधिकारी निलंबित; २० टक्के योजनेतील घरे मिळविण्यात हलगर्जीपणा केल्याचा ठपका

नाशिक : आवक वाढल्याने कांद्याची घसरण

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

अल्पवयीन मुलीने नाणे गिळले; गरीब कुटूंबापुढे उपचाराचा खर्च पेलण्याचे आव्हान

जिल्ह्यात लिंगोत्तर प्रमाणात घट; लिंग चाचणीची दक्षता समिती बैठकीत साशंकता

भरत गोगावले यांची मंत्रिपदाची इच्छा यंदा तरी पूर्ण होणार का ?