सर्व अंगणवाड्यांना आता इमारत; १७ हजार पदांची भरती; पोषण माह राज्यस्तरीय अभियानाचे उदघाटन

नाशिक: राज्यातील प्रत्येक अंगणवाडीसाठी इमारत उपलब्धतेसह १७ हजारपेक्षा अधिक अंगणवाडी सेविका आणि मदतनीस पदांची भरती करण्यात येणार असल्याचे राज्याच्या महिला व बाल विकास मंत्री आदिती तटकरे यांनी सांगितले. घोटी येथे राष्ट्रीय पोषण माह राज्यस्तरीय अभियानाच्या उदघाटन प्रसंगी त्यांनी मार्गदर्शन केले.

आणखी वाचा

सत्यशोधक कम्युनिस्ट नेते सुभाष काकुस्ते यांचे निधन

१५ नोव्हेंबर पंचांग: कार्तिक पौर्णिमेला कोणाला होईल धनप्राप्ती?…

नाशिक: गृह मतदानापासून हजारो ज्येष्ठ मतदार, अपंग वंचित; यंत्रणेच्या अनास्थेमुळे ८५ हजार पैकी केवळ २४४९ मतदारांना लाभ

उच्च शिक्षण घेऊ इच्छिणार्‍या विद्यार्थ्यांना मिळणार १० लाखांपर्यंत शैक्षणिक कर्ज; काय आहे ‘पंतप्रधान विद्यालक्ष्मी योजना’?

काँग्रेसची सत्ता असलेली राज्ये शाही परिवाराचे ‘एटीएम’; अकोल्यातील प्रचारसभेत पंतप्रधान मोदींची टीका

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

काँग्रेसला ओबीसी आरक्षण संपवायचे -मोदी

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

शून्य ते सहा वयोगटातील बालकांचे संगोपन महत्वाचे आहे. राज्यात सहा वर्षापासून राबविण्यात येणाऱ्या पोषण माह उपक्रमात महाराष्ट्र हे देशात तिसऱ्या क्रमांकावर असून याचे पूर्णश्रेय हे अंगणवाडी सेविका व मदतनीसांना जाते. सुपोषित भारत अंतर्गत राबविलेल्या विविध उपक्रमांत नाशिक जिल्हा राज्यात अग्रेसर असल्याचे तटकरे यांनी नमूद केले. बालकांच्या शिक्षणाचा श्रीगणेशा हा अंगणवाडीतून होत असून अंगणवाडी सेविका त्यांचा पहिला गुरू आहे.

हेही वाचा… जळगाव जिल्ह्यात लम्पीवर नियंत्रण; पाच लाख जनावरांचे लसीकरण

मूल जन्मास येण्यापूर्वी व जन्मास आल्यानंतरही माता व बालक यांच्या पोषण आहाराची काळजी अंगणवाडी सेविका या जबाबदारीने पार पाडत आहे. डॉ. आनंदीबाई जोशी आरोग्य अभियानाच्या माध्यमातून पुढील वर्षापासून दुसऱ्यांच्या आरोग्याची काळजी करणाऱ्या अंगणवाडी सेविका व मदतनीस यांच्या कुटूंबातील सदस्यांची आरोग्य तपासणी करण्यात येणार असल्याचे तटकरे यांनी सांगितले. राष्ट्रीय पोषण अभियानात अधिकाधिक उपक्रम राबवून महाराष्ट्र देशात पहिला क्रमांक आणण्यासाठी सर्व मिळून प्रयत्न करूया, असे आवाहनही तटकरे यांनी केले.

हेही वाचा.. जादा परताव्याच्या आमिषाने सहा लाखांना गंडा

सचिव अनुपकुमार यादव यांनी गरोदर महिलांना योग्य पोषण आहार दिल्यास जन्मास येणारे बाळ हे सुदृढ होते, असे नमूद केले. एकात्मिक बालविकास सेवा योजना आयुक्त रुबल अग्रवाल यांनी राज्यातील एक लाख १० हजार अंगणवाड्यांच्या माध्यमातून कुपोषण मुक्तीसाठी विविध उपक्रम राबविण्यात येत असून अंगणवाडीसोबत गावालाही सुपोषित करण्यासाठी काम सुरू असल्याची माहिती दिली.

हेही वाचा… ताशी १३० किलोमीटर वेगाने सहा रेल्वे गाड्या धावण्याची चाचणी यशस्वी; भुसावळ-इगतपुरी विभागात प्रयोग

आमदार हिरामण खोसकर यांनी अंगणवाडीच्या माध्यमातून पोषण आहार देतांना आहाराबाबत योग्य मार्गदर्शन झाल्यास निश्चितच फायदा होईल याकडे लक्ष वेधले. प्रास्ताविकात जिल्हा परिषदेच्या मुख्य कार्यकारी अधिकारी आशिमा मित्तल यांनी जिल्ह्यात आयआयटी मुंबई यांच्या समवेत स्तनपान विषयक विशेष उपक्रम राबविण्यात येत असल्याचे सांगितले. या माध्यमातून आरोग्य व एकात्मिक बाल विकास सेवा योजनेचे अधिकारी व कर्मचाऱ्यांना प्रभावी स्तनपान व प्रभावी पोषण कार्यक्रमाबाबत सखोल प्रशिक्षण देण्यात येणार आहे.

शाळेतील मुलांच्या पोषण आहार दिंडीत मंत्री तटकरे व इतरही सहभागी झाले. राज्यस्तरीय पोषण माह अभियानाचा शुभारंभ फुगे हवेत सोडून करण्यात आला. कार्यक्रमात सहा महिने पूर्ण झालेल्या बालकांना अन्न प्राशन कार्यक्रम, गर्भवती माता कौतुक सोहळा, माझी कन्या भाग्यश्री अंतर्गत लाभार्थी यांना धनादेश वाटप, बेबी केअर किटचे वाटप, अंगणवाडी मतदनीस पदावरील नियुक्ती आदेश, महिला बचत गटांना कर्ज धनादेश वितरण, अंगणवाडी सेविका विशेष पुरस्कार आणि गुणवंत अंगणवाडी सेविका व मदतनीस पुरस्कार देऊन गौरविण्यात आले.