नाशिकमध्ये महायुतीत अचानक शांतता

महायुतीत नाशिकच्या जागेचा तिढा सुटता सुटत नसल्याने पदाधिकारी बुचकळ्यात पडले आहेत. लवकर उमेदवारी जाहीर करावी, यासाठी शिंदे गटाचे खासदार हेमंत गोडसे यांनी अनेक दिवस मुंबईत तळ ठोकूनही काहीच घडले नाही. याच काळात राष्ट्रवादी अजित पवार गटाचे नेते छगन भुजबळ यांनी दिल्लीतून भाजप नेत्यांनी आपले नाव निश्चित केल्याची माहिती दिली होती. तत्पूर्वी गोडसे यांच्या विरोधात भूमिका घेऊन भाजपने ही जागा कुठल्याही स्थितीत स्वत:कडे घेण्याची तयारी केली होती. भाजप कार्यालयात नेत्यांसमोर आंदोलन झाले. शिंदे गटाला विरोध करणाऱ्या भाजपने भुजबळ पर्यायाने राष्ट्रवादी अजित पवार गटाकडे जागा जाण्याचा विषय आल्यावर नरमाई स्वीकारली. शिंदे गटाविरोधाप्रमाणे राष्ट्रवादीविरोधात त्यांनी रोखठोक भूमिका घेतली नाही. भुजबळांच्या नावाची चर्चा सुरू होताच सकल मराठा समाजाने त्यांच्या विरोधात फलक लावले होते. ब्राम्हण महासंघाने भुजबळांच्या उमेदवारीला विरोध दर्शविला. नाशिक पुरोहित संघाने गोडसेंचे समर्थन करत अप्रत्यक्षपणे भुजबळांविषयी नाराजी व्यक्त केली. महायुतीत नाशिकच्या जागेवरून परस्परांवर बरीच आगपाखड झाली आहे. त्याचा लाभ विरोधकांनी घेतल्याने वातावरण निवळण्यासाठी सध्या सर्वांनी मौन धारण केले आहे.

आणखी वाचा

उद्या मंत्रिमंडळ विस्तार? अजित पवार यांचा दावा; दोन दिवसांच्या चर्चेत सूत्र निश्चित

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Deaths Due To Corona Vaccine : “करोना लशीमुळे झाले नाहीत लोकांचे मृत्यू”, मोदी सरकारने संसदेत सांगितली अचानक मृत्यूंमागील कारणे

म्हाडाच्या नाशिक मंडळाचे मुख्य अधिकारी निलंबित; २० टक्के योजनेतील घरे मिळविण्यात हलगर्जीपणा केल्याचा ठपका

नाशिक : आवक वाढल्याने कांद्याची घसरण

नाशिक विभागात एसटी अपघातांचा उंचावता आलेख; नऊ महिन्यांत बसचे १२० अपघात, २२ जणांचा मृत्यू

मुंबई-नाशिक मार्गावर पुढील तीन महिने कोंडीचे, साकेत पुलाजवळील मुख्य रस्त्याच्या रुंदीकरणास सुरूवात

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

हेही वाचा – विश्लेषण : जात प्रमाणपत्र प्रकरणात नवनीत राणांना दिलासा कसा मिळाला? सर्वोच्च न्यायालयाने काय कारण दिले?

हेही वाचा – केजरीवालांच्या अटकेचा धक्का कोणाला आणि का?

भुजबळ समर्थक कामाला

भाजपच्या वरिष्ठ नेत्यांनी भुजबळांचे नाव पुढे केल्याने पक्षाचे स्थानिक पदाधिकारी शांत झाले आहेत. भुजबळ यांच्याविषयी स्थानिक पातळीवर तयार झालेल्या वातावरणाची कल्पना त्यांनी वरिष्ठांना दिली आहे. शिंदे गटात गोडसेंऐवजी अन्य नावाची चाचपणी केली जात आहे. उमेदवारी न मिळाल्यास गोडसे हे देखील अपक्ष म्हणून रिंगणात उतरण्याची शक्यता समर्थक व्यक्त करतात. भुजबळ संस्थापक अध्यक्ष असलेल्या समता परिषदेचे पदाधिकारी, कार्यकर्ते उमेदवारी मिळणार, हे गृहीत धरून तयारीला लागले आहेत. भुजबळांचे स्वागत, प्रचार कार्यालय आदी नियोजन केले जात आहे.