खड्डे, वाहतूक कोंडीमुळे नाशिक-मुंबई प्रवासाला आठपेक्षा अधिक तास, महामार्गाच्या दुरावस्थेबाबत सोमवारी मंत्रालयात बैठक Nashik Mumbai journey takes more than eight hours due to potholes and traffic

हा तिढा सोडविण्यासाठी या रस्त्याची संपूर्ण जबाबदारी राष्ट्रीय महामार्ग विकास प्राधिकरणाकडे सोपवावी, अशी मागणी आमदार देवयानी फरांदे यांनी केली.

खड्डे, वाहतूक कोंडीमुळे नाशिक-मुंबई प्रवासाला आठपेक्षा अधिक तास, महामार्गाच्या दुरावस्थेबाबत सोमवारी मंत्रालयात बैठक (छायाचित्र - लोकसत्ता टीम)

नाशिक: पहिल्याच पावसात नाशिक-मुंबई महा मार्गाची दुरावस्था झाली असून ठिकठिकाणी खड्डे, अवजड वाहनांमुळे होणारी वाहतूक कोंडी आदींमुळे या प्रवासासाठी आठ ते १० तासांचा कालावधी लागत आहे. या महामार्गाचा भिवंडी वळण रस्त्यापर्यंतचा भाग तीन यंत्रणांकडे विभागलेला आहे. हा तिढा सोडविण्यासाठी या रस्त्याची संपूर्ण जबाबदारी राष्ट्रीय महामार्ग विकास प्राधिकरणाकडे सोपवावी, अशी मागणी आमदार देवयानी फरांदे यांनी केली. या महामार्गाच्या प्रश्नावर सोमवारी सकाळी १० वाजता उपमुख्यमंत्री अजित पवार यांच्या अध्यक्षतेखाली मंत्रालयात बैठक होणार आहे.

या महामार्गाच्या स्थितीकडे भाजपच्या आमदार फरांदे यांनी निवेदनाद्वारे लक्ष वेधले होते. यापूर्वी उपमुख्यमंत्री पवार यांनी बैठक घेतल्यानंतर महामार्गाच्या स्थितीत मोठ्या प्रमाणात सुधारणा झाली होती. आधीच वाहतूक कोंडी, ठाणे जिल्ह्यात महामार्गालगतच्या गोदामांमुळे होणारी अवजड वाहनांची वाहतूक आदी कारणांनी या महामार्गावरून मार्गक्रमण करणे जिकिरीचे ठरले होते. यात पावसाची भर पडून महामार्गावर अनेक ठिकाणी खड्डे पडले. पहिल्याच पावसात नाशिक-मुंबई रस्त्याची बिकट स्थिती झाली आहे. ही बाब फरांदे यांनी उपमुख्यमंत्री पवार यांच्या निदर्शनास आणून दिली.

आणखी वाचा

Protest of students, traffic jam, chinchoti road,

वसई : वाहतूक कोंडीपासून त्रस्त विद्यार्थी व भूमिपुत्रांचे आंदोलन, महामार्ग व चिंचोटी रस्त्याच्या समस्येबाबत संताप

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

parking fee is higher than the metro ticket at Pune District Court Metro station

पुणे मेट्रोचा अजब कारभार! मेट्रोच्या तिकिटापेक्षा वाहनतळ शुल्कच जास्त

mcoca action, Praveen Madikhambe, Loni Kalbhor,

लोणी काळभोरमधील ‘ऑइल माफिया’ प्रवीण मडीखांबेसह साथीदारांवर मोक्का कारवाई, पेट्रोल-डिझेल चोरीतून कोट्यवधींची संपत्ती

Vasai, Pedestrian bridge work, National Highway,

वसई : राष्ट्रीय महामार्गावर पादचारी पुलांची कामे अंतिम टप्प्यात, रस्ते ओलांडून होणारे अपघात रोखणार

MMRDA to construct a flyover at Kalyan Phata Chowk To solve traffic problem

कल्याण-शीळ फाटा कोंडीमुक्त होणार? उड्डाण पूल व भुयारी मार्ग ४२ महिन्यांमध्ये पूर्ण करण्याचे लक्ष्य

What is the solution to the Ghodbunder road traffic

घोडबंदर रस्त्याच्या कोंडीवर उपाय काय? नवे ठाणे कोंडीचे का ठरू लागलेय?

Proposal to cancel the land acquisition process of Shaktipeeth Highway

महत्त्वाकांक्षी शक्तिपीठ महामार्गाचे भवितव्य अधांतरी? भूसंपादन प्रक्रिया रद्द करण्याचा प्रस्ताव?

हेही वाचा : नाशिक : सुरगाण्यात पुरात वाहून गेल्याने महिलेचा मृत्यू, घाटमाथ्यावर पावसाची हजेरी

नाशिक-मुंबई प्रवासासाठी आठ ते १० तासांचा अवधी लागतो. महामार्गाचा भिवंडी वळण रस्त्यापर्यंतचा भाग राष्ट्रीय महामार्ग विकास प्राधिकरण, महाराष्ट्र रस्ते विकास महामंडळ आणि सार्वजनिक बांधकाम विभाग या तीन यंत्रणांकडे विभागून आहे. रस्त्यांवरील खडड्यांसाठी कोणाला जाब विचारायचा, असा प्रश्न सामान्य नागरिकांना पडला आहे. नाशिक-मुंबई महामार्गाचा सर्वाधिक भाग राष्ट्रीय महामार्ग विकास प्राधिकरणाकडे असल्याने उपमुख्यमंत्र्यांच्या अध्यक्षतेखाली बैठक घेऊन या रस्त्याचे संपूर्ण काम प्राधिकरणाकडे देण्याची मागणी फरांदे यांनी केली. या बैठकीनंतर महामार्गाच्या स्थितीत सुधारणा होईल, अशी अपेक्षा त्यांनी व्यक्त केली आहे.

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nashik mumbai journey takes more than eight hours due to potholes and traffic css