नाशिक: सिटीलिंकचा प्रवास आजपासून महाग ; मध्यरात्रीपासून नवीन भाडेवाढ लागू

महानगरपालिकेने जुलै २०२१ पासून सुरू केलेली सिटीलिंक बससेवा प्रारंभापासून तोट्यात आहे. त्याचा मोठा आर्थिक भार महापालिकेवर पडत आहे. उत्पन्न वाढीसाठी वेगवेगळ्या उपाय योजना केल्या जात असल्या तरी अद्याप ही बससेवा नफ्यात आलेली नाही. त्यात इंधन आणि गॅसच्या वाढत्या दराचा बोजा बस सेवेवर पडत आहे. सिटीलिंकतर्फे शहर आणि आसपासच्या भागात सुमारे २३० बस चालविल्या जातात. त्यातील सुमारे ८० टक्के बस सीएनजी गॅसवर आधारीत तर उर्वरित डिझेलवर आहेत. इंधनाच्या वाढत्या दरामुळे वाढता तोटा लक्षात घेऊन दरवाढीचा विचार सुरू होता. सात टक्क्यांच्या जवळपास ही दरवाढ आहे. पाच टक्क्यांहून अधिक दरवाढ असल्याने याबाबत सक्षम प्राधिकरणाची मान्यता घेणे बंधनकारक होते. ही मान्यता घेऊन दरवाढीचा निर्णय घेतला गेल्याचे सिटीलिंकने म्हटले आहे.

आणखी वाचा

इ सायकल फेरीत नाशिकमधील टपाल कर्मचाऱ्यांचा सहभाग

…तर औषधाची गरजच नाही! वाचा निरोगी आयुष्य जगण्यासाठी…

वैयक्तिक प्राप्तिकरातील वाढ अर्थव्यवस्थेसाठी वरदान; प्रत्यक्ष कर संकलन १२ जानेवारीपर्यंत १६.९० लाख कोटींवर

घाऊक महागाई वाढली; अन्नधान्यांच्या किमतीमुळे नव्हे तर…; महागाई दर डिसेंबरमध्ये वाढून ….

नाशिकमध्ये नायलॉन मांजा तारांमध्ये अडकून वीज पुरवठा खंडित होण्याचे प्रकार

नाशिक शहरात घरफोडीचे सत्र, ३० लाखहून अधिकचा ऐवज लंपास

नाशिक : शोषखड्ड्यात पडल्याने बालकाचा मृत्यू

म्हाडाच्या नाशिक मंडळाच्या ५५५ घरांसाठी सोडत २० टक्के योजनेतील घरे, आठवड्याभरात जाहिरात

हेही वाचा >>> हतनूर धरण जलाशयावर १४९ पक्षी प्रजातींची नोंद; वनपरिक्षेत्र अधिकारी, चातक निसर्ग संवर्धन संस्थतर्फे आशियाई पाणपक्षी गणना

१५ फेब्रुवारीच्या मध्यरात्रीपासून नवीन भाडेवाढ लागू केली जात आहे. ही भाडेवाढ एक जानेवारी रोजीच लागू होणार होती. ती दीड महिना उशिराने लागू केली जात आहे. इंधन दरात वाढ होऊनही प्रवासी हिताचा विचार करत कोणतीही अतिरिक्त भाडेवाढ न करता केवळ नियमांनुसार भाडेवाढ करण्यात आल्याचे सिटीलिंकने म्हटले आहे. सुखकर, अद्ययावत, सुरक्षित प्रवास नाशिककरांना उपलब्ध करून देण्यासाठी सिटीलिंक प्रयत्नशील असून प्रवाश्यांनी भाडेवाढीच्या निर्णयास सहकार्य करावे, अशी सिटीलिंकची अपेक्षा आहे.

नवीन भाडे कसे ? निमाणी ते बारदान फाटा (मार्गे सातपूर, श्रमिकनगर) तसेच निमाणी ते म्हाडा (सातपूरमार्गे) या प्रवासासाठी पूर्वी ३२ रुपये असणारे तिकीट आता ३५ रुपये असेल. निमाणी ते सिम्बॉयसिससाठी ३० रुपये (जुने २७), निमाणी ते नाशिकरोड ३५ रुपये (३२), निमाणी ते आडगाव (३० रुपये (२७), नाशिकरोड रेल्वे स्थानक ते बारदान फाटा ४५ रुपये (४२), नाशिकरोड रेल्वे स्थानक ते सिम्बॉयसिस महाविद्यालय ४० रुपये (३२), नाशिकरोड ते अंबड गाव ४० (३७), नाशिकरोड रेल्वे स्थानक ते मखमलाबाद ३५ रुपये (३२), नाशिकरोड रेल्वे स्थानक ते तवली फाटा ४० रुपये (३७ रुपये) अशी भाडे आकारणी होणार आहे. शहरांतर्गत काही मार्गावर प्रवासात साधारणत: तीन रुपये ते आठ रुपयांपर्यंत वाढ झाल्याचे दिसत आहे. नाशिक-त्र्यंबकेश्वर आणि आसपासच्या गावांमध्ये दरवाढीची अधिक प्रमाणात झळ बसणार आहे.