नाफेडचे कांदा खरेदी केंद्र सापडेना, आता फलकाद्वारे माहिती देण्याची तयारी

नाफेडने क्षणाचाही विलंब न करता शेतकरी उत्पादक कंपन्यांच्या फेडरेशनच्या सहाय्याने १० केंद्रे कार्यान्वित केली. पिंपळगाव येथील केंद्राचे केंद्रीय आरोग्य राज्यमंत्री डॉ. भारती पवार यांच्या हस्ते उद्घाटन होऊन कांदा खरेदीला सुरुवात झाली. पहिल्या दिवशी १० केंद्रांवर २६९ मेट्रिक टन कांद्याची खरेदी करण्यात आल्याचे नाफेडचे व्यवस्थापकीय संचालक डॉ. रितेश चौहान यांनी सांगितले. नाफेड खरेदीची आकडेवारी देत असली तरी या केंद्रांबाबत कांदा उत्पादक अनभिज्ञ आहेत. अनेकांना ही केंद्रे कुठे सुरू आहेत, ते माहिती नाही. कांदा खरेदी केंद्रांच्या ठिकाणांची स्पष्टता नाही. पिंपळगावमधील खरेदी केंद्राचा पत्ताही कुणाला सांगता येत नसल्याची स्थिती आहे.

आणखी वाचा

डोंबिवलीत म्हात्रेनगरमध्ये प्रतिबंधित तंबाखुजन्य पदार्थांचा साठा जप्त

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

सोयाबीनला सहा हजारांचा हमीभाव देणार, पंतप्रधान नरेंद्र मोदी यांची घोषणा

पुणे : पूरम चौकात १६ लाखांचा गुटखा पकडला, टेम्पोचालकाला अटक

बहुराष्ट्रीय खाद्य उत्पादक कंपन्या भारतात हलक्या प्रतीची उत्पादने विकतात? काय सांगतो नवा अहवाल?

शंभरी गाठलेल्या कांद्यामुळे ग्राहक जेरीस, जाणून घ्या, शेतकऱ्यांना किती दर मिळतो, ग्राहकांना किती रुपये मोजावे लागतात

नुकसानीमुळे कांदा उत्पादक, तर दरवाढीमुळे ग्राहक त्रस्त; कांदा शंभरीवर

ग्राहक, शेतकरी चिंतेत; कांदा, लसूण महागले तर कापूस, सोयाबीनचे दर पडल्याने नाराजी

हेही वाचा : कांदाकोंडी फुटली, आजपासून लिलाव; निर्यात प्रक्रियेतील कांद्याच्या सवलतीबाबत तोडग्याचे केंद्राचे आश्वासन

गेल्यावेळी नाफेडने दीड लाख मेट्रिक टन कांदा सुमारे १५० केंद्रांमार्फत खरेदी केला होता. यावेळी एक लाख क्विंटल कांदा खरेदी करायचा असल्याने केंद्रांची संख्या वाढविली जाणार आहे. परंतु, ही केंद्रे शेतकऱ्यांना माहिती नसतील तर ते कांदा कसा नेणार? हा प्रश्न आहे. ही बाब उघड झाल्यानंतर त्यावर तोडगा काढण्याची तयारी दर्शविली गेली. शेतकऱ्यांचा जिथे अधिक संचार असतो, अशा ठिकाणी फलकाद्वारे खरेदी केंद्रांची माहिती देण्यात येईल. या फलकांवर केंद्रांची संख्या, पत्ता दिला जाईल, असे चौहान यांनी म्हटले आहे.