नाशिक : प्रदूषण रोखण्यासाठी आता नंदिनी काठावर सीसीटीव्ही, सावधानतेचा इशारा देण्यासाठी ध्वनिक्षेपक यंत्रणाही

गोदावरीची उपनदी असणाऱ्या नंदिनीत मोठ्या प्रमाणात कचरा टाकला जातो. वाळू उपसा होतो. परिसरात मद्यपी व गुन्हेगारांचा वावर असतो. नंदिनीतील प्रदूषणाचा परिणाम पुढे गोदावरी नदीवर होतो. नदीकाठावरील नागरिकांचे आरोग्य धोक्यात येते. हे प्रदूषण रोखण्यासाठी नदीच्या दोन्ही किनारी उंटवाडी ते गोविंदनगरपर्यंत सीसीटीव्ही कॅमेरे बसविण्यात यावे, यासाठी शिवसेना, सत्कार्य फाउंडेशनने अध्यक्ष बाबासाहेब गायकवाड (देशमुख), चारुशीला गायकवाड (देशमुख) यांनी केलेल्या पाठपुराव्याला अखेर यश आले आहे. फाउंडेशनने हा विषय प्रारंभी महापालिकेसमोर मांडला होता. मनपा आयुक्तांनी मार्च २०२२ मध्ये तो स्मार्ट सिटीकडे पाठविला. स्मार्ट सिटी संचालक मंडळाच्या बैठकीत त्यास अंतिम मंजुरी मिळाली.

आणखी वाचा

महानगरातील आव्हाने पेलण्यासाठी पोलीस दलात अत्याधुनिक सुविधा- महिलांच्या तक्रारी प्राधान्याने सोडविण्याचे गृहमंत्री फडणवीस यांचे आदेश

१७ ऑक्टोबर पंचांग: धनसंपत्ती की प्रचंड यश, गुरुवारी…

शहरातील धूळ प्रदूषणावर मात्रा; वसई विरार महापालिकेची ‘फॉग कॅनन’ यंत्रणा लवकरच कार्यरत

पाण्यासाठी आता भाजपच्या माजी नगरसेवकांचेही आंदोलन; माहीम आणि मुलुंडमध्ये धरणे

कल्याणमधील गोविंदवाडीत गाई, म्हशी दुधाळ होण्यासाठीची बनावट औषधे जप्त

‘मेट्रो ३’ विस्कळीत, दोन दिवसांतच तांत्रिक अडचणी

कळंबोली सर्कलची वाहतूक कोंडी फोडण्यासाठी ७७० कोटींचे उड्डाणपूल

नागपूर: अपघात विम्याचे पैसे उकळण्यासाठी रचला कट, पण पोलिसच अडकले

हेही वाचा…परम संगणक निर्मितीला किती खर्च आला ? विद्यार्थ्यांची जिज्ञासा अन् डॉ. विजय भटकर यांचे हितगूज

नंदिनी काठालगतच्या सिटी सेंटर मॉलची मागची बाजू, महालक्ष्मी मंदिर, म्हसोबा महाराज मंदिर, दोंदे पूल, बाजीरावनगर, मिलिंदनगर, उंटवाडी, छत्रपती संभाजी महाराज चौक, सिटी सेंटर मॉल चौकातील पूल, गोविंदनगर, मुंबई नाक्यापर्यंत अशा एकूण २३ ठिकाणी ५५ सीसीटीव्ही कॅमेरे बसविण्याच्या कामाला सुरुवात झाली आहे. यात अत्याधुनिक कॅमेऱ्यांचा समावेश आहे. पूर परिस्थितीसह आपत्कालीन काळात नागरिकांना सावध करता यावे, यासाठी ५३ ध्वनिक्षेपक बसविण्यात येत आहेत. ही यंत्रणा कार्यान्वित झाल्यानंतर नंदिनी नदीचे प्रदूषण रोखण्याला मदत होईल. प्रदूषण रोखण्यासाठी नदीकिनारी सीसी टीव्हीची यंत्रणा कार्यान्वित करणे हा राज्यातील पथदर्शी प्रकल्प ठरणार असल्याची स्थानिकांची भावना आहे.

हेही वाचा…दुहेरी हत्याकांडाने भुसावळ हादरले; भाजपच्या माजी नगरसेवकासह सामाजिक कार्यकर्त्याची हत्या

गोदावरीसह उपनद्यांचे प्रदूषण रोखणे, जतन व संवर्धन होणे आवश्यक आहे. यासाठी नंदिनी नदीकिनारी सीसीटीव्ही यंत्रणेचा हा पथदर्शी प्रकल्प नाशिक शहरात सर्व ठिकाणी अंमलात आणला जावा. नागरिकांचे आरोग्य अबाधित राहण्याबरोबर आपत्कालीन परिस्थितीतही याची मदत होईल. -चारुशीला गायकवाड (देशमुख)