नाशिक जिल्ह्यातील धरणसाठा ३१ टक्क्यांवर

पावसाअभावी यंदा धरणे पूर्ण क्षमतेने भरली नाहीत. समन्यायी तत्वावर पाणी वाटपाच्या सूत्राने जिल्ह्यातील काही धरणांमधून मराठवाड्यातील जायकवाडीसाठी पाणी द्यावे लागले होते. एकूण गरज वाढत असताना जलसाठ्याचे घटते प्रमाण यंदाचा चिंतेचा विषय ठरला आहे. गेल्या वर्षीचा विचार करता यंदा धरणांमध्ये १० हजार दशलक्ष घनफूट इतका कमी जलसाठा आहे. गतवर्षी एप्रिसच्या प्रारंभी धरणांमध्ये ३० हजार ५४० दशलक्ष घनफूट (४६.५१ टक्के) जलसाठा होता. एक-दोन धरणांचा अपवाद वगळता जवळपास सर्वच धरणांतील जलसाठा निम्याहून कमी झाला आहे. पालखेडमध्ये (६१ टक्के) व नांदूरमध्यमेश्वर बंधारा (९८) हे वगळता कुठल्याही धरणात ५० टक्क्यांपेक्षा जास्त जलसाठा नाही. काश्यपीमध्ये ८४४ दशलक्ष घनफूट (४५), गौतमी गोदावरी ७०२ (३७), आळंदी ३०४ (३७), करंजवण (१३२५ (२४), ओझरखेड ४४९ (२१), दारणा १७६० (२४), मुकणे २२२१ (३०), वालदेवी ४८१ (४२), चणकापूर ७११ (२९), हरणबारी ४५५ (३९), गिरणा ५७९० (३१), पुनद ९९९ दशलक्ष घनफूट (७६ टक्के) असा जलसाठा आहे.

आणखी वाचा

चलनवाढीचा दिलासा, पण बेताचाच! डिसेंबरमध्ये दर ५.२२ टक्के; चार महिन्यांच्या नीचांकी

Ravindra Chavan : ‘उपरा’ डोंबिवलीकर ते भाजप प्रदेश…

राज्यावर पुन्हा अवकाळीचे संकट! ; हवामान खाते…

सूक्ष्म सिंचन योजनेत निधीचा दुष्काळ, राज्यातील पावणेदोन लाखहून अधिक शेतकरी अनुदानापासून वंचित

कमी दृश्यमानतेमुळे मासळीही दिसेनाशी; यंदाच्या वर्षी सरंगा, बोंबिलाच्या दरात ७० टक्क्यांनी वाढ

गंगापूर धरणातून थेट जलवाहिनीचे काम प्रारंभ, नाशिकचा तीन दशकांचा प्रश्न मार्गी लागणार

विश्लेषण : २०२४ आजवरचे सर्वांत उष्ण वर्ष कसे ठरले? २०२५मध्येही हीच स्थिती?

गेल्या तीन वर्षांच्या तुलनेत यंदाच्या डिसेंबरमध्ये तापमानवाढ; उत्तर-दक्षिणेकडून येणाऱ्या वाऱ्यांचा परिणाम

हेही वाचा : नाशिक: प्रचाराच्या धामधुमीत टंचाईचा प्रश्न ऐरणीवर, ६३९ गावे-वाड्यांना टँकरने पाणी

आठ धरणांमध्ये पाणी कमी

नागासाक्या धरण आधीपासून कोरडेठाक आहे. या पाठोपाठ पुणेगाव (०.८०), तिसगाव (पाच टक्के) धरणांची त्या दिशेने वाटचाल सुरू आहे. वाघाड (१९ टक्के), ओझरखेड (२१), भावली (१३), कडवा (२१), केळझर (१७), माणिकपूज (११) असा जलसाठा आहे. आठ धरणांमध्ये तुलनेत कमी जलसाठा आहे.