नाशिक : काँक्रिटीकरणामुळे रामकुंडातील अस्थिंचे अविघटन, देवांग जानी यांचा दावा

येथील रामकुंडात अस्थिविसर्जनासाठी देशाच्या कानाकोपऱ्यातून नागरीक येत असतात. मागील कुंभमेळ्यात गोदाकाठाचे मूळ रूप बदलत सिमेंटचे कठडे तयार करण्यात आले. रामकुंडही यातून सुटले नाही. याचा विपरीत परिणाम अस्थिविसर्जनावर झाला असल्याकडे जानी यांनी लक्ष वेधले. काँक्रिटीकरणामुळे नैसर्गिक झरे आटले आहेत. रामकुंडात अस्थिंचे विघटन नैसर्गिक पद्धतीने होत असते. परंतु, कुंडात सिमेंटचे काम करण्यात आल्याने ही नैसर्गिक प्रक्रिया थांबली आहे. यामुळे कुंडात अस्थि विघटन न होता पडून आहेत.

हेही वाचा – रुग्ण अजूनही दरपत्रक, मदतवाहिनीच्या प्रतिक्षेत; नाशिक मनपा आरोग्य विभागाची उदासीनता

हेही वाचा – जळगाव : मोटारीच्या धडकेने दुचाकीस्वाराचा मृत्यू

महापालिकेच्या घनकचरा व्यवस्थापनाकडून अस्थिंचे ढिग कचरा म्हणून उपसले जात आहे. लोकांच्या श्रद्धेशी हा खेळ होत असल्याचा आरोप जानी यांनी केला आहे. रामकुंडासह गोदाकाठावरील काँक्रिटीकरण काढण्यात यावे, नैसर्गिक झरे मुक्त करावे, अशी मागणी जानी यांनी केली आहे. स्मार्टसिटीकडून गोदाकाठ परिसरात सुरू असलेल्या कामांना न्यायालयातून स्थगिती आणली असल्याचेही त्यांनी सांगितले. या कामाला पुरोहित संघानेही विरोध केलेला आहे.